जळगाव : शहरात चार वर्षांपूर्वी प्रेमविवाह केलेल्या एका तरुणाने सुसाईड नोट लिहून आज रविवारी गळफास घेऊन आत्महत्या केली. पंकज उखर्डू खाचणे (वय २७, रा. गोपाळपुरा) असं मृत तरुणाचं नाव आहे. पत्नी, सासू, सासरे आणि पत्नीच्या भावाकडून मिळणाऱ्या धमक्या आणि होणाऱ्या त्रासामुळे त्याने हे टोकाचं पाऊल उचलल्याचं सांगण्यात येत आहे.
पंकज खाचणे याचे आयटीआयचे शिक्षण झाले होते. तो वेल्डींग काम करत होता. आयटीआयचे शिक्षण घेत असताना पंकज व चंचल यांचे प्रेमसंबंध जुळले होते. दोघांनी चार वर्षांपूर्वी प्रेमविवाह केला. चंचल मूळ भुसावळ येथील आहेत. दोघांना दीड वर्षांचा मुलगाही आहे.
मृत पंकजच्या नातंवाईकांनी दिलेल्या माहितीनुसार, लग्नानंतर काही महिन्यांतच दोघांमध्ये किरकोळ कारणांवरुन भांडण होऊ लागले. त्यानतंर चंचलने पंकजच्या आईसोबत उद्धटपणे वर्तणूक सुरू केली होती. भांडण झाल्यानंतर चंचलचे आई-वडील जळगावात येऊन तिला घेऊन जात होते. काही दिवसांनंतर पंकज पुन्हा समजूत काढून परत आणत होता. आता गेल्या २० दिवसांपासून चंचल माहेरी गेली होती. तेव्हापासून ती पंकजचे फोन उचलत नव्हती. मुलाशी देखील बोलणे करून देत नव्हती. या सर्व त्रासाला कंटाळून अखेर पंकजने रविवारी राहत्या घरात गळफास घेऊन आत्महत्या केल्याचंही पंकजच्या नातेवाईकांनी सांगितलं.
दुपारी १२ वाजता पंकजच्या आई कल्पना या घरी आल्यानंतर हा प्रकार उघडकीस आला. पोलिसांनी पंकजच्या जवळ आढळून आलेली सुसाईड नोट तपासासाठी ताब्यात घेतली आहे. या प्रकरणी शनिपेठ पोलीस ठाण्यात आकस्मित मृत्यूची नोंद करण्यात आली आहे. मृत पंकजच्या पश्चात पत्नी, एक मुलगा, आई कल्पना, लहान भाऊ दर्शन, आजी असा परिवार आहे.
काय आहे सुसाई़़ड नोटमध्ये?
‘मी पंकज खाचणे आत्महत्या करतोय. माझी बायको चंचल हिच्यामुळे मी आत्महत्या करत आहे. माझ्या आत्महत्येला चंचल आणि तिचा भाऊ राहूल पांडव जबाबदार आहेत. मी वारल्यानंतर त्यांना मोठी शिक्षा व्हावी, मी चार वर्षांपूर्वी प्रेमविवाह केला पण आमच्यात नेहमी भांडणे व्हायची.
माझ्या पत्नीला भांडण करण्यासाठी तिचा भाऊ व आई उकसावत असे. चंचलचा बाप पोलीस असल्याने नेहमी मला पोलिसांच्या धमक्या द्यायचे. तिचा भाऊ माझ्या घरी येऊन मला, माझ्या आईला व आजीला ठार मारण्याच्या धमक्या द्यायचे. तसंच एकदा मला भुसावळमध्ये त्याने व चंचलच्या बहिणीने खूप मारहाण देखील केली. मी वारल्यानंतर माझा मुलगा माझ्या आईजवळ राहील हीच माझ्या आत्म्याला शांती असेल,’ असं मृत तरुणाने सुसाईड नोटमध्ये लिहिलं आहे.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…
