पिंपरी- एका गुन्हेगाराने सोशल मीडियावर हातात कोयता घेऊन त्याखाली भाईगिरीचे भलेमोठे कॅप्शन देऊन पोस्ट व्हायरल केली होती. स्वप्नील उर्फ युवराज सुरेश गायकवाड (वय 23, रा. उरुळी कांचन, ता. हवेली) असे पोस्ट शेअर करणाऱ्या तरुणाचे नाव आहे. पोस्टद्वारे त्याने गुन्हेगारीचे उदात्तीकरण केले. त्याच्यावर पोलिसांच्या गुंडाविरोधी पथकाने कारवाई केली आहे. गुंडाविरोधी पथकातील पोलिस शिपाई रामदास कुंडलिक मोहिते यांनी निगडी ठाण्यात फिर्याद दिली आहे.
पिंपरी चिंचवड गुन्हे शाखेच्या सायबर विभाग आणि गुंडा विरोधी पथकाचे पोलीस अशा कुरापती करणाऱ्यांवर बारीक लक्ष ठेऊन आहेत. आरोपी गायकवाड याचा हा प्रकार पोलिसांच्या निदर्शनास आला असता पोलिसांनी त्याला अंकुश चौक निगडी येथून कोयत्यासह ताब्यात घेतले.
आरोपी गायकवाड याच्यावर निगडी पोलीस ठाण्यात हत्यार कायद्यानुसार गुन्हा दाखल करण्यात आला आहे. गायकवाड हा रावण साम्राज्य टोळीशी संबंधित असल्याचे म्हटले जाते. तो रावण साम्राज्य टोळीच्या नावाचा वापर करून परिसरात दहशतीचे वातावरण निर्माण करत असल्याचे पोलिसांच्या निदर्शनास आले आहे. हे करत असताना त्याला सोशल मीडियावरील पोस्ट चांगलीच महागात पडले आहे. पोलिसांनी आरोपीला बेड्या ठोकल्यानंतर आरोपीने पोलिसांसमोर चक्क हात जोडले. त्याच्याकडून एक कोयता जप्त केला आहे.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…