उस्मानाबाद : उस्मानाबाद जिल्ह्यात शिवसेनेच्या एका माजी खासदाराच्या पुतण्याने डॉक्टरला मारहाण केल्याची घटना घडली आहे. कोरोनाच्या कठीण काळात डॉक्टर आणि आरोग्य कर्मचारी जीवाची बाजी लावून अनेकांचे प्राण वाचवत आहेत. मुख्यमंत्री उद्धव ठाकरे एकीकडे डॉक्टरांशी संवाद साधून परिस्थितीवर नियंत्रण मिळवण्यासाठी चर्चा करत आहेत. तर दुसरीकडे त्यांच्याच पक्षातील माजी खासदाराच्या पुतण्याने डॉक्टरांना केलेल्या मारहाणीमुळे निषेध व्यक्त केला जात आहे.
कळंब शहरातील लोंढे हॉस्पिटलमध्ये डॉक्टरांना मारहाणीची घटना घडली
शिवसेनेच्या माजी खासदार कल्पना नरहिरे यांच्या पुतण्याने डॉक्टरांना मारहाण केल्याचे कृत्य घडले आहे.
उस्मानाबाद जिल्ह्यातील कळंब शहरातील लोंढे हॉस्पिटलमध्ये डॉक्टरांना मारहाण करण्यात आली आहे. डॉक्टरांना मारहाण करणाऱ्या माजी खासदाराच्या पुतण्याचे नाव बालाजी नरहिरे असून, डॉ. अभिजित लोंढे यांच्यावर हल्ला करणाऱ्या बालाजी नरहिरे यांना पोलिसांनी ताब्यात घेतले आहे.
गाड्या पार्क करण्याच्या मुद्यावरूनच लोंढे आणि बालाजी नरहिरे यांच्यात वाद झाला होता
अभिजित लोंढे यांचे हॉस्पिटल कळंब शहरातच असून त्यांच्या हॉस्पिटलच्या समोरच्या बाजूला शिवसेनेच्या माजी खासदार कल्पना नरहिरे यांचे घर आहे. कळंब शहरातील लसीकरण केंद्र हे डॉ. लोंढे हॉस्पिटलमध्ये असून, सध्या लसीकरणाला सुरूवात झाली आहे. त्यामुळे लस घेण्यासाठी आलेले नागरिक हॉस्पिटल समोरच आपल्या गाड्या पार्क करत असतात. त्यामुळे गाड्या पार्क करण्याच्या कारणावरून डॉक्टर लोंढे आणि बालाजी नरहिरे यांच्यात वाद झाला होता. या वादातून बालाजी नरहिरे यांनी डॉक्टर अभिजीत लोंढे यांना मारहाण केली आहे. या मारहाणीत डॉक्टर अभिजीत लोंढे त्यांच्या मानेला जखम झाली आहे.
लोंढे यांच्यावर हल्ला झाल्यामुळे घटनेचा निषेध म्हणून शहरातील सर्व रुग्णालये बंद ठेवण्याचा निर्णय
अभिजीत लोंढे यांच्यावर हल्ला झाल्यामुळे घटनेचा निषेध म्हणून शहरातील सर्व रुग्णालये बंद ठेवण्याचा निर्णय घेण्यात आला आहे. दरम्यान, हा हल्ला माजी खासदार व त्यांचे पती रमेश नरहिरे यांच्या सांगण्यावरून झाल्याचा आरोप डॉक्टर अभिजीत लोंढे यांनी केला आहे. डॉक्टर अभिजित लोंढे यांना मारहाण झाल्यावर लसीकरण केंद्रही बंद करण्यात आले होते. घटनास्थळी पोलीस दाखल झाले असून बालाजी नरहिरेला ताब्यात घेतले आहे. पण जोपर्यंत गुन्हा दाखल होत नाही तोपर्यंत कामकाज सुरू करणार नसल्याचा डॉक्टरांनी इशारा दिला आहे. या प्रकरणाचा अधिक तपास पोलीस करत आहे.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…