भडगाव येथील महावितरणाच्या अभियंत्याला मारहाण करणार्‍यांना थांबवण्यासाठी गेलेल्या वायरमन गजानन राणे यांचा मृत्यू झाला. या घटनेने खळबळ उडाली आहे. या प्रकरणी दोषींवर कारवाई करावी, अशी मागणी महावितरणच्या कर्मचार्‍यांनी केली आहे.
याबाबत अधिक माहिती अशी की, भडगाव येथे काल (सोमवार) शिवसेनेच्या वतीने शेतकर्‍यांचे कृषीपंप वीज तोडणी, कृषीपंपाचा विद्युत पुरवठा सुरळीत व्हावा या मागणीसाठी भडगाव उपविभागातील शहर, ग्रामीण भागातील उपकेंद्राना टाळे ठोक आंदोलन केले. हे आंदोलन शांततेत पार पडल्यानंतर दुपारी चाळीसगाव रोड लगत असलेल्या महावितरण कार्यालयात सात अज्ञातांनी प्रवेश केला.
कार्यालयात असलेले उपकार्यकारी अभियंता अजय अशोक धामोरे (वय ४३, रा. पाचोरा) यांना जबर मारहाण सुरू केली. धामोरे यांना दमदाटीही केली.घटनास्थळी असलेले वरीष्ठ तंत्रज्ञ (वायरमन) गजानन प्रताप राणे हे धामोरे यांना सोडविण्यास गेले. यावेळी हल्‍लेखाेरांनी त्‍यांनाही धक्काबुक्की केली.गजानन राणे खाली पडून मृत झाले. या घटनेने प्रचंड खळबळ उडाली. या घटनेमुळे महावितरणच्या कर्मचार्‍यांमध्ये भितीचे वातावरण पसरले आहे. हल्‍लेखाेरांनी कार्यालयातील कॉप्युटर, युपीएस तसेच टेबलावरील व केबिनच्या काचा फोडल्‍या. सुमारे ५० ते ६० हजार रुपयांच्या शासकीय मालमत्तेचे नुकसान झाले.
वरीष्ठ तंत्रज्ञ (वायरमन) गजानन राणे यांच्या मृत्‍यूस अज्ञात सात जण कारणीभूत आहेत. उपकार्यकारी अभियंता अजय धामोरे यांना जीवे मारण्याचा प्रयत्न करण्‍यात आला, असे फिर्यादीत नमूद केले आहे. याबाबत उपकार्यकारी अभियंता अजय धामोरे यांनी पोलिस स्टेशनला दिलेल्या फिर्यादीवरून अज्ञात ७ जणांविराोधात गुन्हा दाखल केला आहे.
पोलिस अधीक्षकांची भेट…
महावितरण कंपनीच्या अधिकाऱ्यावर झालेला हल्ला यावेळी मारहाण करणाऱ्यांना थांबवायला गेलेल्या वायरमनचा मृत्यू. या घटनेची माहिती वार्‍यासारखी शहरात पसरली. महावितरणचे कर्मचाऱ्यांनी कार्यालयात धाव घेत अजय धामोरे यांना उपचारासाठी ग्रामीण रुग्णालयात दाखल केले. यावेळी पोलिस अधीक्षक प्रवीण मुंडे, अपर पोलिस अधीक्षक सचिन गोरे, चाळीसगाव भाग उप विभागीय पोलिस आधिकारी कैलास गावडे, स्थानिक गुन्हा शाखेचे पोलिस निरीक्षक किरणकुमार बकाले यांनी घटनास्थळी भेट देत तपासाबाबत मार्गदर्शन केले. तपास पोलिस निरीक्षक अशोक उत्तेकर हे करीत आहेत.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…