पंढरपूर(18):- कोरोना बाधित रुग्णांना खाजगी हॉस्पिटलमध्ये गोरगरीब व गरजू रुग्णांना वाजवी दरात उपचार मिळावेतयासाठी शासनाने उपचारासाठी आकारावयाचे कमाल दर मर्यादा निश्चित केली आहे. अद्यापही काही खाजगी रुग्णालयांमध्ये कोरोनाबाधित रुग्णांकडून निश्चित केलेल्या दरापेक्षा आधिक दर आकारण्यात येत असल्याच्या तक्रारी येत असल्याने नियुक्त केलेल्या लेखापरिक्षण पथकामार्फत शहरातील 15 खाजगी रुग्णांलयातील 540 बिलांची तपासणी करुन 7 लाख 3 हजार 700 रुपये कमी करण्यात आले असल्याची माहिती प्रांताधिकारी सचिन ढोले यांनी दिली.
तालुक्यात शहरासह ग्रामीण भागात कोरोनाबाधित रुग्णांची संख्या दिवसेदिवस वाढत आहे. प्रशासनाकडून कोरोनाचा प्रादुर्भाव रोखण्यासाठी विविध पातळीवर प्रयत्न केले जात आहेत. कोरोना बाधित रुग्णांना तात्काळ उपचार मिळावेत. यासाठी प्रशासनाकडून पंढरपूर तालुक्यात 19 डेडीकेडेड कोविड हॉस्पिटल व डेडीकेडेड कोविड हेल्थ सेंटरला मान्यता देण्यात आली आहे. राज्यशासनाने कोरोनाच्या उपचारासाठी चाचणी तसेच रुग्णालयातील उपचाराबाबत रक्कम निश्चित केली असतानाही खाजगी रुग्णालयाकडून जादा बिलाची आकारणी केली जात असल्याची तक्रारी येत आहेत. खाजगी रुग्णालयांनी कोरोनाबाधित तसेच इतर रुग्णांच्या उपचारासाठी शासनाने निश्चित केलेल्या दरानुसार आकारणी करावी असे आवाहनही प्रांताधिकारी ढोले यांनी केले आहे.
गरीब व गरजू रुग्णांचे हित डोळ्यासमोर ठेवून खाजगी रुग्णालयांनी जास्तीत-जास्त गरजू रुग्णांना महात्मा फुले जन आरोग्य योजनेचाही लाभ मिळवून द्यावा असे, आवाहनही श्री.ढोले यांनी यावेळी केले आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…