यवतमाळ – राज्यात सध्या लॉकडाऊनची स्थिती आहे. त्यामुळे अनेकजण लग्नासाठी खोळंबले आहेत. सध्या लग्नांचा कालावधी आहे. तर अनेकांनी लग्न उरकून घेतले आहे. मात्र विदर्भातील यवतमाळमधून लग्नासंदर्भातील धक्कादायक बातमी समोर आली आहे. येथे एका तरुणीने लग्नाआधीच भावी नवऱ्यावर विषप्रयोग केल्याचं उघड झालं आहे.
लग्नाच्या चार दिवस आधी ठरलेलं लग्न होऊ नये म्हणून होणाऱ्या नवऱ्याला शितपेयातून विष पाजण्याचा प्रयत्न तरुणीने केला. प्रियकराच्या सांगण्यावरून या तरुणीने होणाऱ्या नवऱ्याला मारण्याचा प्रयत्ना केला आहे. याबाबत तरुणीने नेर पोलिसांसमोर कबुली दिली आहे. त्यानंतर तरुणी आणि आरोपी प्रियकराला पोलिसांनी ताब्यात घेतलं आहे.
जळगावातील नेर तालुक्यातील कोहळा येथील २२ वर्षीय तरुणाचं बाभुळगाव तालुक्यातील मुलीशी लग्न ठरलं होतं. लग्नाची तारीख जवळ आली होती. त्यामुळे तरुणी आणि तिचा प्रियकर अस्वस्थ होते. यावर तोडगा म्हणून प्रियकरांने तरुणीला शितपेयातून भावी नवऱ्याला विष पाजण्यास सांगितलं. त्यानुसार तरुणीने होणाऱ्या नवऱ्याला लग्नाच्या चार दिवस आधी नेर येथील एका आईस्क्रीम पार्लरमध्ये बोलावून घेतलं. तेथे त्याला शीतपेयामध्ये विष पाजले, हे पोलीस तपासात उघड झाले आहे.
सुदैवाने नवरा मुलगा बचावला असून त्याच्यावर यवतमाळमध्ये १४ दिवस उपचार करण्यात आले. उपचारानंतर मुलावर विषप्रयोग झाल्याचं स्पष्ट झालं. त्यानंतर पोलिसांत तक्रार दाखल करण्यात आली. त्यानुसार आयस्क्रीम पार्लर येथील सीसीटीव्ही तपासण्यात आले आणि मुलाच्या तक्रारीवरून गुन्ह्याचा उलगडा झाला.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…