उमेदवारांच्या खर्चावर काटेकोर लक्ष ठेवा
निरीक्षक शिल्पी सिन्हा यांच्या सूचना
पंढरपूर. १ :- पंढरपूर विधानसभा पोटनिवडणुकीसाठी निवडणूक आयोगाने खर्चाची मर्यादा घालून दिली आहे. या मर्यादेतच प्रत्येक उमेदवारांनी खर्च करणे अपेक्षित आहे. उमेदवारांच्या निवडणूक खर्चावर बारीक नजर ठेवा अशा, सूचना निडणूक खर्च निरिक्षक श्रीमती शिल्पी सिन्हा यांनी आज दिल्या.
पंढरपूर विधानसभा पोटनिवडणूक मतदारसंघाचे निवडणूक निर्णय अधिकारी यांच्या कार्यालयात उमेदवारांच्या निवडणूक खर्चाबाबत आढावा घेण्यात आला. यावेळी निवडणूक निर्णय अधिकारी तथा प्रांतधिकारी गजानन गुरव, सहाय्यक निवडणूक निर्णय अधिकारी तथा तहसिलदार सुशिल बेल्हेकर, निवडणूक सनियंत्रण कक्षाचे संजय सदावर्ते, सचिन माने उपस्थित होते
श्रीमती सिन्हा बैठकीत यांनी सूचना दिल्या की, उमेदवारांकडून प्रचारासाठी विविध माध्यमाचा वापर मोठ्या प्रमाणात होत असल्यामुळे वृत्तपत्र, तसेच इतर माध्यमांचा जाहिरात तपशीलाची माहिती संबंधित पथकाने दररोज घ्यावी. सभा आणि मोर्चाच्या ठिकाणी व्हिडीओ सर्वेक्षण पथक, व्हिडीओ पाहणी पथक कार्यरत ठेवावे. यासंबधीची सर्व माहिती खर्च विषयक नोडल अधिकारी यांच्याकडे सादर करावी. संशियत वाहनांची तपासणी व पैशाचा गैरवापर याबाबत भरारी पथकाने दक्षता घ्यावी. कोरोनाच्या पार्श्वभूमीवर भारत निवडणूक आयोगाच्या निर्देशाचे पालन करुन निवडणूक प्रक्रिया पार पाडावी तसेच निवडणूक विभागाच्या सर्व पथक प्रमुखांनी निवडणूक कालावधीत सतर्क रहावे. उमेदवारांनी निवडणूक खर्च वेळेत खर्च नियंत्रण विभागाकडे सादर करावा.
श्रीमती सिन्हा यांनी निवडणूक नियंत्रण कक्षास भेट देवून कामाकाज विषयक समाधान व्यक्त केले. यावेळी निवडणूक निर्णय अधिकारी गुरव यांनी निवडणूक बाबत तयारीची सर्व माहिती दिली. तत्पुर्वी शासकीय विश्रामगृह पंढरपूर येथे उमेदवारांच्या खर्चाबाबत विविध निवडणूक विभागाचे पथक प्रमुख यांचाही आढावा घेण्यात आला.
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…
'*पद्मशाली समाजाने दिला प्रणिती शिंदेंना जाहीर पाठिंबा' भाजपच्या दोन्ही खासदारांनी मागील १० वर्षात पद्मशाली समाजासाठी…
आगामी लोकसभा निवडणुकीच्या पार्श्वभूमीवर १ मार्चपासून दररोज १०० कोटी रुपये जप्त करण्यात आल्याची माहिती भारतीय…