पंढरपुरात अवैध सावकारी प्रकरणी शहर पोलीस आणि सह.निबंधक कार्यालयाची संयुक्त कारवाई

भारतीय जनता पक्ष युवा मोर्चाचे शहर अध्यक्ष विदुल अधटराव याच्या विरोधात  कर्जदाराकडून दाखल तक्रारीची दखल घेत पंढरपूर शहर पोलीस ठाणे आणि सह.निबंधक सहकारी संस्था पंढरपूर यांच्या संयुक्त पथकाने मोठी कारवाई केली असून या कारवाईत स्टॅम्प,४८ चेक तसेच मोठ्या प्रमाणात सावकारी येण्या -देण्याचा हिशोब असलेले कागदपत्रे प्रदीप भानुदास सावंत (सहकार अधिकारी श्रेणी १ ) यांच्या उपस्थितीत ताब्यात घेण्यात आल्याची प्राथमिक माहिती आहे. 

पोलीस अधिक्षक सोलापूर ग्रामीण यांच्याकडून नागरिकांना आवाहन करण्यात आले असून आपल्या परिसरातील कर्जदारांची जमीन,जागा,वाहने अवैध रित्या गहाण ठेवून अवाजवी व्याज,दंड आकारणी करणाऱ्या व यासाठी छळ करणाऱ्या अवैध खाजगी सावकारी करणाऱ्या इसमांविरोधात पोलिसांकडे तक्रार द्यावी असे आवाहन करण्यात आले आहे.