संत शिरोमणी नामदेव महाराज यांचे नाव महापुरुषांच्या यादीतून वगळल्याने नाराजी

राज्य सरकारच्या वतीने दरवर्षी राष्ट्रपुरुष, थोर व्यक्तींच्या जयंती आणि पुण्यतिथीला अभिवादन करण्यासाठीची यादी राज्य सरकारकडून जाहीर केली जाते. विविध शासकीय कार्यालये,निमशासकीय कार्यालये,स्थानिक स्वराज्य संस्था आदी ठिकाणी शासनाच्या आदेशानुसार महापुरुषांच्या जयंत्या अथवा पुण्यतिथी साजरी केली जाते.राज्य सरकारकडून  यंदा यादी जाहीर करण्यात आली असून या यादीत संत शिरोमणी नामदेव महाराज यांचे नाव नसल्याने  नामदेव महाराजांच्या अनुयायांनी नाराजी व्यक्त केली आहे.

       ठाकरे सरकारने थोर महापुरुष संतांच्या यादीतून संत शिरोमणी नामदेव महाराज यांचे नाव वगळले आहे. यासंदर्भात आज श्री संत शिरोमणी नामदेव महाराज प्रतिष्ठान कर्वेनगरच्या शिष्टमंडळाने भाजपचे प्रदेश अध्यक्ष चंद्रकांत पाटील याना निवेदन दिले असून आगामी विधिमंडळ अधिवेशनात याबाबत आवाज उठवू असे आश्वासन या शिष्टमंडळास पाटील यांनी दिले आहे.