कल्याण: विवाह जुळवणाऱ्या संकेतस्थळावर ओळखीनंतर डॉक्टर असल्याचे सांगून लग्नाच्या भूलथापा देऊन उच्चशिक्षित तरुणीला १६ लाख रुपयांचा गंडा घातल्याचा प्रकार उघडकीस आला आहे. या प्रकरणी आरोपीविरोधात खडकपाडा पोलिसांनी गुन्हा दाखल केला आहे.
पीडित तरुणीने विवाह संकेतस्थळावर नोंदणी केली होती. ही तरुणी खडकपाडा येथे राहते. नवी मुंबईतील एका खासगी कंपनीत ती मोठ्या हुद्द्यावर कार्यरत आहे. विवाह नोंदणी केल्यानंतर तरुणीशी एका व्यक्तीने संपर्क साधला. ब्रिटनमध्ये डॉक्टर असल्याची बतावणी त्याने केली. लग्नाच्या भूलथापा दिल्या. दोघांमध्ये चॅटिंगच्या माध्यमातून संवाद सुरू झाला. जानेवारीत भारतात येणार असल्याचे त्याने तिला सांगितले. त्याने तिला भारतात येणार असल्याचे सांगितले. २३ जानेवारीला त्याने पुन्हा फोन केला. दिल्ली विमानतळावर आलो आहे. सोने असल्याने सीमा शुल्क अधिकाऱ्यांनी पकडले असून, सुटका करून घेण्यासाठी सुरुवातीला त्याने तिच्याकडे ६५ हजार रुपयांची मागणी केली.तरुणी त्याच्या भूलथापांना बळी पडली. तिने त्याला ऑनलाइन पैसे ट्रान्सफर केले. त्यानंतर वेळोवेळी तिच्याकडून त्याने पैसे घेतले. एकूण १६ लाख ४५ हजार रुपये घेऊन तो गायब झाला.
मात्र, आपली फसवणूक झाली आहे, असे तिच्या लक्षात आले. त्यानंतर तिने प्रकाश शर्मा नावाच्या व्यक्तीविरोधात खडकपाडा पोलिसांत तक्रार दाखल केली. यावरून पोलिसांनी आरोपीविरोधात गुन्हा दाखल केला आहे.
प्लेसमेंटच्या दृष्टीने विद्यार्थ्यांच्या तांत्रिक कौशल्यविकासासाठी ट्रेनिंग अँड प्लेसमेंट सेलचा पुढाकार सिंहगड कॉलेज ऑफ इंजिनिअरिंग, पंढरपूर…
शैक्षणिक संस्थांचा पाठिंबा; प्रचाराच्या अंतिम टप्प्यात पदाधिकारी आणि कार्यकर्त्यांचा उत्साह शिगेला सातारा : पुणे विभाग…
NEP २०२०च्या नावाखाली प्राध्यापकांची पदे कमी होऊ देणार नाही; आश्रमशाळांच्या सुधारणांसाठी कटिबद्ध! पुणे : राष्ट्रीय…
गृहभेटी, दूरध्वनी संपर्क आणि वैयक्तिक संवादातून शिक्षक मतदारांपर्यंत पोहोचण्यावर भर सातारा : पुणे विभाग…
ज्ञानयात्री डॉ. रोंगे सर विजयी होणार सांगोला– राज्यातील शिक्षक मतदार संघाची निवडणूक अवघ्या काही दिवसांवर…
ज्ञानयात्री डॉ. रोंगे सर १०० टक्के विजयी होणार मिरज – राज्यातील शिक्षक मतदार संघाची निवडणूक…