शिरीष कटेकर मारहाण प्रकरणी आ.राम कदम यांची संतप्त प्रतिक्रिया

भाजपचे माजी शहराध्यक्ष शिरीष कटेकर यांनी महावितरण कार्यालयामसोर टाळे ठोको आंदोलनावेळी राज्याच्या मुख्यमंत्र्याबद्दल अतिशय भडक व वैयक्तिक पातळीवरील टीका करणारे वक्तव्य केले होते.त्यामुळे दोन दिवस शिवसैनिक व शिवसेना प्रेमी नागिरकांकडून प्रचंड संताप व्यक्त होत होता तर अनेक सुजाण नागिरकही व्यक्तिगत पातळीवरील टीका आयोग्य आहे अशी प्रतिक्रिया व्यक्त करीत होते.सरते शेवटी काल उद्रेक झाला आणि शिरीष कटेकर याना मारहाण करीत काळे फासण्यात आले होते.या घटनेमुळे कटेकर याना मानसिक धक्का बसल्यामुळे त्यांचा बीपी वाढला आणि उपचारासाठी सोलापूरला पाठविण्यात आले.               

या घटनेची दखल घेत भाजपचे आमदार व मंदिर समिती सदस्य राम कदम यांनी सदर घटनेचा व्हिडीओ ट्विट करत पोलिसांच्या उपस्थितीत मारहाण केली जाते, हे सगळं ठरवून होते का असा सवाल उपस्थित करीत या विरोधात कारवाई न झाल्यास राज्यव्यापी आंदोलन करू असा इशारा दिला आहे.