टाकळी रोड जगदंबा नगर येथे घरफोडी

      पंढरपूर शहरालगत असलेल्या लक्ष्मी टाकळी हद्दीतील जगदंबा नगर येथे घरमालक कुटूंबासह परगावी गेल्याची संधी साधत चोरटयांनी दरवाजाचे कडीकोयंडा कुलूप उचकटून सोन्याचांदीचे दागिने,चांदीच्या मूर्ती तसेच रोख रक्कम ५० हजार लंपास केली असून या घटनेमुळे या परिसरात खळबळ उडाली आहे.या बाबत सोमनाथ देठे रा.लक्ष्मी टाकळी यांनी पंढरपूर तालुका पोलीस ठाण्यात फिर्याद दाखल केली आहे.

    या बाबत दाखल फिर्यादीनुसार टाकळी रोड जगदंबा नगर येथील रहिवाशी परशूराम लिंगप्पा पाटील हे आपल्या कुटूंबियांसह बेळगाव येथे कार्यक्रमानिमित्त गेले होते.दिनांक २० जानेवारी रोजी सकाळी ६ ते २१ जानेवारी रोजी सकाळी ८ या दरम्यान सदर चोरीची घटना घडली असल्याचा अंदाज असून परशूराम पाटील यांच्या घराशेजारी राहणारे सुरेश कांबळे यांना परशुराम पाटील यांच्या घराच्या दराचा कडीकोयंडा तुटलेला आढळून आल्यानंतर त्यांनी तात्काळ परशुराम पाटील यांचे जावई फिर्यादी सोमनाथ दशरथ देटे यांना हि घटना सांगीतली.परशूराम पाटील यांचे घरातून 1) 40000/- एक तोळ्याचे सोन्याचे नेकलेस जु.वा.कि.अं.2) 60000/- दिड तोळा वजणाचे सोन्याचे कानातील झूबे व साखळ्या चार जोड जु.वा.कि.अं.3) 20000/- आर्धा तोळा वजणाचे सोन्याचे कानातील दोन वेल जु.वा.कि.अं.4) 12000/- तीन ग्रँम वजणाचे दोन गणपती जु.वा.कि.अं.5) 12000/-तीन ग्रँम वजणाच्या सोन्याच्या कानातील दोन रिंगा जु.वा.कि.अं.6) 5000/- किंमतीची देवघरातील चांदीच्या गणपतीच्या व लक्ष्मीची मुर्ती,कुंकवाचा करंड तसेच लहान मुलाचे पैजण,करदुडा,मनगटी जु.वा.कि.अं.7) 50000/-रू.रोख रक्कम त्यामध्ये 10 रू,100 रू, 500 रू,2000 रू. दराच्या चलनी नोटा8) 15000/- रू किमतीचा एक सँमसंग कंपणिचा LED टिव्ही असा अंदाजे 2 लाख 14 हजार रुपयांचा ऐवज लंपास झाला आहे.