पहिल्या टप्प्यातील लसीकरण दिनांक 16 जानेवारी 2021 रोजी उपजिल्हा रुग्णालय येथील संसर्गजन्य रुग्णालय येथे करण्यात येणार आहे. यासाठी प्रशासनाने व आरोग्य विभागाने जय्यत तयारी केली असून, कोविड लसीकरण मोहिम यशस्वी करण्यासाठी प्रशासन सज्ज असल्याची माहिती उपविभागीय अधिकारी सचिन ढोले यांनी दिली.
पहिल्या टप्प्यात 1610 डोज उपलब्ध झाले असून, तालुक्यातील डॉक्टर्स व आरोग्य सेवा देणाऱ्या संबंधित कर्मचारी यांना लस देण्यात येणार आहे. यासाठी कोविन ॲपवर यादी संकलित करण्यात आली आहे. संबधित लाभार्थ्याल नोंदणी केलेल्या मोबईलवर लसीकरणाबाबत संदेश प्राप्त होणार आहे. आरोग्य विभागाने लसीकरणाच्या ठिकाणी लसीकरण कक्ष, निरिक्षण कक्ष तसेच ॲब्युलन्स सेवा सुसज्ज ठेवण्याबाबत दक्षता घ्यावी तसेच आवश्यक आरोग्य सुविधा उपलब्ध ठेवाव्यात अशा सूचनाही श्री.ढोले यांनी यावेळी दिल्या.
उपजिल्हा रुग्णालय रुग्णालय पंढरपूर येथील संसर्गजन्य रुग्णालय पंढरपूर येथे 16 जानेवारीला लसीकरण करण्यात येणार असून, यासाठी लसीकरणाची सर्व तयारी आरोग्य विभागाने केली असल्याची माहिती उपजिल्हा रुग्णालयाचे वैद्यकीय अधिक्षक डॉ. अरविंद गिराम यांनी दिली. लसीकरण कक्षाचे उदघाटन प्रातांधिकारी सचिन ढोले यांच्या हस्ते होणार आहे
आरोग्य सेवेशी संबंधित 100 जणांना लस देण्यात येणार आहे. यासाठी कोविन ॲपवर यादी संकलित करण्यात आली आहे . लस देण्यात येणाऱ्या लाभार्थ्यांला रजिस्टर मोबाईल नंबरवरती एक दिवस अगोदर वेळ व ठिकाणची माहिती देणारा संदेश येणार आहे. यासाठी संबधितांनी नोंदणी करताना जे ओळखपत्र जोडले आहे ते घेवन यावे. लाभार्थी लसीकरण कक्षात आल्यानंतर त्यांची माहिती घेतल्यानंतरच त्याना लसीकरण केले जाणार आहे. लसीकरण केल्यानंतर संबधितांना तज्ज्ञ डॉक्टरांच्या निरिक्षणाखाली अर्धा तास निरिक्षण कक्षात ठेवण्यात येणार आहे. यानंतर त्यांना घरी पाठविण्यात येणार असल्याचेही डॉ.गिराम यांनी सांगितले.
कोविड लस ही 2 ते 8 डिग्री सेल्सीअस तापमाणात लस ठेवावी लागत असल्याने सुसज्ज अशी रेफ्रीजेटरची व्यवस्था उपजिल्हा रुग्णालय पंढरपूर येथे करण्यात आली असल्याची माहिती तालुका वैद्यकीय अधिकरी डॉ.बोधले यांनी दिली. लाभार्थ्यांना लस सकाळी 9.00 ते सायंकाळी 5.00 यावेळत देण्यात येणार आहे.लाभार्थी लसीकरण करुन घरी आल्यानंतरही त्यांना काही त्रास झाला तर यासाठी आरोग्य विभागाच्यावतीने समिती स्थापन करण्यात आली असून, यामध्ये शासकीय व खाजगी डॉक्टरांची नियुक्ती करण्यात आली आहे.संबधितावर तज्ज्ञ डॉकटरांकडून तात्काळ उपचार केले जाणार आहेत याबाबत कोणतीही भीती अथवा गैरसमज बाळगू नये असे आवाहनही डॉ.बोधले यांनी केले आहे.
संगणक अभियांत्रिकीच्या विद्यार्थ्यांना वार्षिक ४ लाखांचे पॅकेज पंढरपूर : प्रतिनिधी अत्याधुनिक शिक्षण, उद्योगाभिमुख प्रशिक्षण आणि…
कोर्टी (ता. पंढरपूर) येथील एस.के.एन. सिंहगड कॉलेज ऑफ इंजिनिअरिंगच्या संगणक अभियांत्रिकी विभागातील अंतिम वर्षाची विद्यार्थिनी…
लोकनेता पुरस्कार देवून सन्मान करणार - राष्ट्रवादीचे श्रीकांत शिंदे यांचा स्तुत्य उपक्रम लोकनेते तथा महाराष्ट्राचे…
पंढरपूर : एस. के. एन. सिंहगड कॉलेज ऑफ इंजिनिअरिंग, कोर्टी, पंढरपूर येथील स्थापत्य अभियांत्रिकी विभागामार्फत…
श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी, पंढरपूर येथील प्राध्यापक डॉ. अनिल बाबर आणि…
पंढरपूर: प्रतिनिधी कोर्टी (ता.पंढरपूर) येथील एस.के.एन सिंहगड कॉलेज ऑफ इंजिनिअरिंग मधील मेकॅनिकल इंजिनियरींग विभागात चतुर्थ…