कोरोनाबाधितांना ग्रामपंचायतीसाठी करता येणार मतदान

मुंबई : ग्रामपंचायत निवडणुकीसाठी आता कोरोनाबाधिताला आता मतदान करता येणार आहे. निवडणूक आयोगाने ही परवानगी दिली आहे. कोविड बाधित मतदारांना मतदान समाप्तीच्या अर्धा तास आधी मतदानाची सुविधा दिली आहे. राज्य निवडणूक आयुक्त यू. पी. एस. मदान यांनी ही माहिती दिली. 

बाधित आणि विलगीकरण कक्षातल्या व्यक्ती, तसेच दोनदा तपासणीनंतरही शरीराचे तापमान विहित निकषांपेक्षा जास्त असलेल्या मतदारांना मतदानाची वेळ संपण्याच्या अर्धातास आधी प्रतिबंधात्मक उपायांचे काटेकोर पालन करून मतदान करता येईल, अशी माहिती राज्य निवडणूक आयुक्त यू. पी. एस. मदान यांनी दिली. 

सकाळी 7.30 ते संध्याकाळी 5.30 या वेळेत मतदान होईल. आदल्या दिवशी मतदान केंद्र आणि साहित्य सॅनिटाईज करणार. थर्मल स्कॅनिंगची व्यवस्था केलीय. मतदाराच्या शरीराचे तापमान विहित निकषापेक्षा जास्त असेल तर पुन्हा तापमान घेणार. तेच तापमान आलं तर मतदाराला टोकन देणार. मतदान संपण्याच्या अर्धा तास आधी त्याला मतदानाला बोलावले जाणार आहे.