पंढरपूरातून ११ वर्षीय मुलाचे अज्ञातांकडून अपहरण ?

      पंढरपूर शहरातील ज्ञानेश्वर नगर येथील राणी विष्णु चव्हाण वय- 25वर्षे,व्यवसाय- मजुरी ,रा- ज्ञानेश्वरनगर,पंढरपुर यांनी मुलगा रवि विष्णु चव्हाण वय-11 वर्षे यास अज्ञात कारणावरून अज्ञात इसमांनी पळवून नेल्याची फिर्याद पंढरपूर शहर पोलीस ठाण्यात दाखल केली असून या घटनेमुळे या परिसरात मोठी खळबळ उडाली आहे.

       या बाबत सदर महिलेने पंढरपूर शहर पोलीस ठाण्यात दाखल केलेल्या फिर्यादीनुसार फिर्यादी राणी चव्हाण या आई,पती व ११ वर्षीय मुलगा रवि यांच्यासोबत एकत्र राहण्यास असून मोलमजुरी करून उदरनिवार्ह करतात.फिर्यादीचे पती सर्कसमध्ये काम करतात.व सध्या ते तामिळनाडू येथे आहेत.२५ डिसेंबर रोजी मुलगा रवी हा गल्लीत मुलांसोबत खेळत होता.तो संध्याकाळी 9/30वा पर्यत घरी आला नाही म्हणुन फिर्यादीने त्याचा गल्लीमध्ये शोध घेतला व त्याचेसोबत रोज खेळण्याकरीता असलेल्या मुलांकडे विचारपुस केली.तेव्हा शेवटपर्यत तो एकटाच तेथे खेळत असल्याचे सांगितले.त्याचा शोध घेण्याचा प्रयत्न केला असता तो मिळून येत नसल्याने सदर महिलेने आपल्या मुलाचे अज्ञात व्यक्तींनी अज्ञात कारणावरून अपहरण केले असल्याची फिर्याद दाखल केली आहे