वाखरी येथे दुकानाचे शटर उचकटून रोख रकमेसह तयार कपडेही केले चोरटयांनी लंपास

          पंढरपूर ग्रामीण पोलीस ठाण्याच्या हद्दीतील वाखरी येथे चोरटयांनी आपली करामत दाखविली असून शनिवारी रात्री वाखरी येथील किशोर धन्यकुमार जगदाळे यांच्या कापड दुकानाचे शटर उचकटून चोरटयांनी तयार कपडे व रोख रक्कम लंपास केली आहे.

          या प्रकरणी किशोर धन्यकुमार जगदाळे यांनी पंढरपूर ग्रामीण पोलीस ठाण्यात फिर्याद दाखल केली असून दि.20/12/2020रोजी चे सकाळी 08/00वा.चे सुमारास फिर्यादी हे वैरण काढण्यासाठी दुकानाचे समोरून चाललो असताना दुकानाचे शटर खालुन उचकटुन कुलुप तोडलेले दिसले असता त्यांना आपल्या दुकानाचे शटर उचकटून अज्ञात चोरटयांनी चोरी केल्याचे आढळून आले.

थंडीचा कडाका वाढत असतानाच प्रतिवर्षी प्रमाणे याही वर्षी चोरटे सक्रिय झाले असल्याचे दिसून येत असून पंढरपूर ग्रामीण पोलीस ठाण्याच्या हद्दीत वारंवार रोख रकमेसह दागिने चोरीच्या घटना वाढत असून याच बरोबर चारचाकी व दुचाकी वाहनेही चोरीस जात असल्याचे दिसून येत आहे.अशा घटना रोखण्यासाठी पंढरपूर ग्रामीण पोलीस ठाण्याच्या रात्रीच्या गस्तीची वारंवारिता आणखी वाढविण्याची गरज असून सतत चोरीच्या घटना घडत असल्याने नाराजी व्यक्त होत आहे.