स्वेरीच्या सात विद्यार्थ्यांची भारत फोर्ज कंपनीत निवड

स्वेरीच्या सात विद्यार्थ्यांची भारत फोर्ज कंपनीत निवड

पंढरपूरः आंतरराष्ट्रीय दर्जाच्या ‘भारत फोर्ज’ या कंपनीने घेतलेल्या मुलाखतीत श्री विठ्ठल एज्युकेशन अॅण्ड रिसर्च इन्स्टिटयूट, पंढरपूर संचलित अभियांत्रिकी महाविद्यालयातील सात विद्यार्थ्यांची कॅम्पस इंटरव्युवद्वारे निवड करण्यात आली आहे.’ अशी माहिती संस्थेचे संस्थापक सचिव व अभियांत्रिकी महाविद्यालयाचे प्राचार्य डॉ.बी.पी. रोंगे यांनी दिली.
         पुणे येथील ‘भारत फोर्ज’ या आंतरराष्ट्रीय दर्जाच्या कंपनीच्या निवड समितीने गोपाळपूर येथील इंजिनिअरिंग कॉलेजमधील विद्यार्थ्यांच्या मुलाखती घेतल्या. त्यांनी या निवड प्रक्रियेच्या अंतिम फेरीतून  इंजिनिअरींगच्या अंतिम वर्षातील उमेश बटेश्वर गुरव, कृष्णा राजेंद्र ताटे-देशमुख, अविनाश अर्जुन देवमारे, सचिन रामचंद्र गोसावी, बालाजी विठ्ठल लांडगे, नागेश सुधाकर रोंगे व  रोहित पांडुरंग साखरे या सात विद्यार्थ्यांची निवड केली. श्री विठ्ठल अभियांत्रिकीमध्ये विविध आंतरराष्ट्रीय कंपन्या येत असतात आणि पात्र विद्यार्थ्यांची निवड करत असतात. विविध आंतरराष्ट्रीय कंपन्यांमध्ये स्वेरीचे विद्यार्थी आपले उत्तम करिअर घडवीत आहेत. कंपनीला कशा प्रकारचे विद्यार्थी हवे असतात ? याचा संस्थेचे संस्थापक सचिव व अभियांत्रिकी महाविद्यालयाचे प्राचार्य डॉ.बी.पी. रोंगे यांच्या मार्गदर्शनाखाली ट्रेनिंग अॅण्ड प्लेसमेंट विभागातील तज्ञ प्राध्यापकांच्या सहकार्याने व विशेष प्रशिक्षित तज्ञांच्या सखोल अभ्यासातून  कंपनीसाठी ‘मागणी तसा पुरवठा’ या धोरणानुसार संबधित विद्यार्थ्यांना विशेष प्रशिक्षण दिले जाते. सदर विद्यार्थ्यांना ट्रेनिंग अॅण्ड प्लेसमेंट विभागाचे अधिष्ठाता प्रा. अविनाश मोटे व प्रा.एस.व्ही. दर्शने आदी प्राध्यापकांचे मार्गदर्शन लाभले. शिक्षण पूर्ण होण्यापूर्वीच विद्यार्थ्यांना नोकरीची संधी उपलब्ध झाल्यामुळे विशेषतः पालक वर्गात आनंदाचे वातावरण पसरले आहे. सध्या अभियांत्रिकीच्या विद्यार्थ्यांना चांगले दिवस आले असून मोठमोठ्या रकमेचे पॅकेज असलेल्या कंपन्या गुणवत्ता पूर्ण विद्यार्थी निवडताना दिसतात आणि स्वेरी देखील विद्यार्थ्यांच्या  करिअरचा विचार करून  कंपन्यांसाठी विशेष विद्यार्थी घडविण्याकडे अधिक लक्ष देतात म्हणून स्वेरीच्या विद्यार्थ्यांना प्लेसमेंट मध्ये देखील विशेष मागणी असते. संस्थेचे संस्थापक सचिव व प्राचार्य डॉ.बी.पी. रोंगे, संस्थेचे अध्यक्ष नामदेव कागदे, उपाध्यक्ष अशोक भोसले तसेच संस्थेचे पदाधिकारी व विश्वस्त, स्वेरी अंतर्गत असलेल्या इतर महाविद्यालयांचे प्राचार्य, विभागप्रमुख, अधिष्ठाता, प्राध्यापक वर्ग, शिक्षकेतर कर्मचारी यांच्यासह पालकांनी कॅम्पस इंटरव्ह्यूमधून निवड झालेल्या या सातही विद्यार्थ्यांचे अभिनंदन केले.