पदवीधर, शिक्षक मतदारसंघासाठी तालुक्यात 8 हजार 151 मतदार –प्रांताधिकारी-सचिन ढोले
तालुक्यातील 20 मतदान केंद्रावर होणार मतदान
पंढरपूर, दि. 13 : पुणे पदवीधर व शिक्षक मतदारसंघाच्या निवडणुकीसाठी पंढरपूर तालुक्यातील निवडणूक यंत्रणा सज्ज झाली आहे. पदवीधर व शिक्षक मतदार संघाच्या निवडणुकीसाठी तालुक्यातील 8 हजार 151 मतदार असून, मतदानासाठी 20 मतदान केंद्रावर सोय करण्यात आली असल्याची माहिती प्रांताधिकारी सचिन ढोले यांनी दिली.
पुणे पदवीधर व शिक्षक मतदार संघाच्या निवडणुकीसाठी तालुक्यात पदवीधर मतदार संघासाठी 5 हजार 122 पुरुष व 1 हजार 338 स्त्री असे एकूण 6 हजार 460 मतदार आहेत. तर शिक्षक मतदार संघासाठी 1 हजार 388 पुरुष व 303 स्त्री मतदार असून असे एकूण 1 हजार 691 मतदार आहेत. तालुक्यात असे एकूण 8 हजार 151 मतदार मतदानाचा हक्क बजावणारआहेत. पदवीधर मतदारसंघासाठी 12 मतदान केंद्रे तर शिक्षक मतदारसंघासाठी 8 मतदान केंद्रावर मतदानाची सोय करण्यात आली आहे. पदवीधर मतदारसंघासाठी द.ह.कवठेकर प्रशाला पंढरपूर – 5, कासेगांव-1, करकंब-2, भाळवणी-1, पुळुज-1, तुंगत-1 तर पटवर्धन कुरोली-1 येथील 12 मतदान केंद्रावर मतदान होणार आहे. तर शिक्षक मतदारसंघासाठी द.ह.कवठेकर प्रशाला पंढरपूर -2, कासेगांव-1, करकंब-1, भाळवणी-1, पुळुज-1, तुंगत-1 तर पटवर्धन कुरोली-1 येथील 8 मतदान केंद्रावर मतदान होणार असल्याचे प्रांताधिकारी ढोले यांनी सांगितले.
पुणे पदवीधर व शिक्षक मतदार संघाच्या निवडणुकीसाठी प्रशासकीय यंत्रणा सज्ज झाली असून, निवडणुकीसाठी 299 कर्मचाऱ्यांची नियुक्ती करण्यात आली आहे. यासाठी 29 मतदान केंद्राध्यक्ष, 56 सहाय्यक मतदान केंद्राध्यक्ष, 120 मतदान अधिकारी तर 94 शिपाई कर्मचारी यांनी नियुक्ती करण्यात आली आहे. दाखल केलेले उमेदवारी अर्ज दिनांक 17 नोव्हेबरपर्यंत काढून घेता येणार आहेत. मतदान दिनांक 1 डिसेंबर 2020 रोजी सकाळी 8.00 ते सायंकाळी 5.00 या वेळेत होणार आहे. तर मतमोजणी दिनांक 3 डिसेंबर रोजी होणार आहे. कोविड-19 आजाराचा प्रादुर्भाव लक्षात घेता निवडणूक आयोगाच्या सूचनेनुसार 700 पेक्षा जास्त मतदार संख्या असलेल्या केंद्रासाठी सहाय्यकारी मतदान केंद्रे तयार करण्यात आली आहेत.यामध्ये पदवीधरासांठी करकंब तर शिक्षकासांठी द.ह.कवठेकर प्रशाला येथे प्रत्येकी 1 मतदान केंद्र तयार करण्यात आली आहेत. सर्व संबंधित अधिकारी व कर्मचाऱ्यांनी कोविड-19 च्या आजारबाबत दिलेल्या सूचनांचे पालन करुन आपली जबाबदारी पार पाडावी अशा सूचनांही श्री.ढोले यांनी दिल्या.
संगणक अभियांत्रिकीच्या विद्यार्थ्यांना वार्षिक ४ लाखांचे पॅकेज पंढरपूर : प्रतिनिधी अत्याधुनिक शिक्षण, उद्योगाभिमुख प्रशिक्षण आणि…
कोर्टी (ता. पंढरपूर) येथील एस.के.एन. सिंहगड कॉलेज ऑफ इंजिनिअरिंगच्या संगणक अभियांत्रिकी विभागातील अंतिम वर्षाची विद्यार्थिनी…
लोकनेता पुरस्कार देवून सन्मान करणार - राष्ट्रवादीचे श्रीकांत शिंदे यांचा स्तुत्य उपक्रम लोकनेते तथा महाराष्ट्राचे…
पंढरपूर : एस. के. एन. सिंहगड कॉलेज ऑफ इंजिनिअरिंग, कोर्टी, पंढरपूर येथील स्थापत्य अभियांत्रिकी विभागामार्फत…
श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी, पंढरपूर येथील प्राध्यापक डॉ. अनिल बाबर आणि…
पंढरपूर: प्रतिनिधी कोर्टी (ता.पंढरपूर) येथील एस.के.एन सिंहगड कॉलेज ऑफ इंजिनिअरिंग मधील मेकॅनिकल इंजिनियरींग विभागात चतुर्थ…