पंढरपूर शहर गुन्हे प्रकटीकरण शाखेच्या कारवाईत मोबाईल आणि दुचाकी चोरांच्या टोळीचा पर्दाफाश

पंढरपूर शहर गुन्हे प्रकटीकरण शाखेच्या कारवाईत मोबाईल आणि दुचाकी चोरांच्या टोळीचा पर्दाफाश

१० मोटारसायकल व १३ मोबाईल जप्त 

पंढरपूर शहर पोलीस ठाण्यात दाखल गुन्हा रजिस्टर क्रमांक ४९५/२०२० नुसार उपविभागीय पोलीस अधिकारी विक्रम कदम व शहर पोलीस निरीक्षक अरुण पवार यांच्या मार्गदर्शनाखाली तपास करीत असताना गुन्हे प्रकटीकरण शाखेच्या कर्मचाऱ्यांनी मिळालेल्या माहितीनुसार आकाश फिरंगीनाथ बामणे रा.जुनी पेठ या तरुणास ताब्यात घेऊन चौकशी केली असता त्याने त्याच्या साथीदारासमवेत पंढरपूर शहरासह सांगली,सातारा,इंदापूर येथून मोटार सायकल चोरी केल्याचे निष्पन्न झाले.या आरोपीकडून चोरीच्या १३ मोटारसायकली जप्त करण्यात आल्या आहेत.या आरोपीचा एक साधीदार फरार असून त्यास अटक करून आणखी गुन्हे उघकीस आणण्यासाठी गुन्हे प्रकटीकरण शाखा प्रयत्नशील आहे.     

          या कारवाईत गुन्हे प्रकटीकरण शाखेचे सपोनि नवनाथ गायकवाड,पोहेकॉ सुजित उबाळे,पोहेकॉ बिपीनचंद्र ढेरे,पोहेकॉ सूरज हेंबाडे, पो ना गणेश पवार,पो ना. सतीश चंदनशिवे,पो ना. मछिंद्र राजगे, पो. ना. इरफान शेख,पो ना. अभिजित कांबळे,पो ना. शोएब पठाण,पो ना. प्रसाद औटी,पो. ना. संदीप पाटील,पो. कॉ .सिद्धनाथ मोरे, पो. कॉ.संजय गुटाळ,पो. कॉ.समाधान माने यांनी  सहभाग घेतला.सदर गुन्ह्याचा तपास पोलीस नाईक गणेश पवार हे करीत आहेत.                               

तर गुन्हे प्रकटीकरण शाखेने केलेल्या दुसऱ्या कारवाईत पंढरपूर शहर पोलीस ठाण्यात दाखल गुन्हा रजि नं.६४०/२०२० नुसार मिळालेल्या माहितीनुसार केलेल्या तपासात तसेच चोरीस गेलेल्या मोबाईलच्या लोकेशनची माहिती मिळताच जाग्यावर जाऊन सापळा रचून आरोपीस गुन्हे प्रकटीकरण शाखेच्या कर्मचाऱ्यांनी पकडले.सदर आरोपीकडे अधिक चौकशी करता आरोपी नामे १) अहमद नजीर सययद,रा.कुर्डुवाडी ता.माढा,२) शाहिदा महादेव तुपे रा.पाणवन ता. मान जिल्हा सातारा ३) भोजलींग महादेव तुपे रा.पाणवन ता. मान जिल्हा सातारा यांनी सदर गुन्हा कबूल असून घरझडतीत ३ मोबाईल हस्तगत करण्यात आले आहेत तर इतर १२ मोबाईल गुन्हे प्रकटीकरण शाखेतील पोलिसांनी हस्तगत केले आहेत.   

   जिल्हा पोलीस अधीक्षक तेजस्विनी सातपुते,अपर पोलीस अधीक्षक अतुल झेंडे यांच्या आदेशावरून व उपविभागीय पोलीस अधिकारी विक्रम कदम,वरिष्ठ पोलीस निरीक्षक अरुण पवार यांच्या मार्गदर्शनाखाली झालेल्या या कारवाईत गुन्हे प्रकटीकरण शाखेचे सपोनि नवनाथ गायकवाड,पोहेकॉ सुजित उबाळे,पोहेकॉ बिपीनचंद्र ढेरे,पोहेकॉ सूरज हेंबाडे, पो ना गणेश पवार,पो ना. सतीश चंदनशिवे,पो ना. मछिंद्र राजगे, पो. ना. इरफान शेख,पो ना. अभिजित कांबळे,पो ना. शोएब पठाण,पो ना. प्रसाद औटी,पो. ना. संदीप पाटील,पो. कॉ .सिद्धनाथ मोरे,पो. कॉ.संजय गुटाळ,पो. कॉ.समाधान माने,पो. कॉ.समाधान माने,पो. कॉ.अन्वर आतार,म.पो. ना.भाग्यश्री घाडगे,म.पो. ना. सविता भोजने यांनी सहभाग घेतला.या प्रकरणाचा अधिक तपास पोलीस नाईक अभिजित कांबळे करीत आहेत.