राष्ट्रवादी युवती काँग्रेसच्या प्रदेश संघटकपदी कु. चारुशिला कुलकर्णी यांची निवड
पंढरपूर (प्रतिनिधी):- राष्ट्रवादी युवती काँग्रेसच्या प्रदेश संघटकपदी कु. चारुशिला कुलकर्णी यांची निवड करण्यात आली आहे. राष्ट्रवादीचे प्रदेश अध्यक्ष जयंतराव पाटील, राज्याचे उपमुख्यमंत्री अजितदादा पवार तसेच राष्ट्रवादी युवती काँग्रेसच्या निमंत्रक खा. सुप्रियाताई सुळे यांच्या मान्यतेने ही नियुक्ती करण्यात आली. राष्ट्रवादी युवती काँग्रेसच्या महाराष्ट्र प्रदेश अध्यक्षा कु. सक्षणा सलगर यांनी नुकतेच या निवडीचे पत्र कु. चारुशिला कुलकर्णी यांना दिले.
आपल्या निवडीबद्दल बोलताना कु. चारुशिला कुलकर्णी म्हणाल्या की, ‘‘पक्ष बळकटीसाठी तसेच पक्षाची ध्येय धोरणे आणि देशाचे नेते शरदचंद्र पवार यांचे विचार सर्वसामान्यांपर्यंत पोहचविण्यासाठी जिल्ह्याचे पालकमंत्री दत्तात्रयमामा भरणे, पंढरपूर मंगळवेढ्याचे लोकप्रिय आमदार भारतनाना भालके, राष्ट्रवादीचे सोलापूर जिल्हाध्यक्ष बळीरामकाका साठे यांच्या मार्गदर्शनाखाली आपण सतत प्रयत्नशील राहु. वरिष्ठांनी माझ्यावर विश्‍वास टाकुन जी जबाबदारी सोपविली आहे ती जबाबदारी प्रामाणिकपणे पार पाडु.’’ असे मत राष्ट्रवादी युवती काँग्रेसच्या नुतन प्रदेश संघटक कु. चारुशिला कुलकर्णी यांनी व्यक्त केले.
कु. चारुशिला कुलकर्णी या गेल्या कित्येक वर्षापासुन सामाजिक व राजकीय क्षेत्रात सक्रीय आहेत. यापूर्वी त्यांनी राष्ट्रवादी युवतीच्या शहराध्यक्ष, तालुकाध्यक्ष व सोलापूर जिल्हा उपाध्यक्षपदी लक्षवेधी कार्य केले आहे. गौरी-गणपती सजावट स्पर्धा, देशाचे नेते शरदचंद्र पवार यांच्या वाढदिवसानिमित्त अन्नदान, वृक्षारोपन, रक्तदान शिबीर अशा प्रकारचे विधायक उपक्रम राबविले आहेत.उपमुख्यमंत्री अजितदादा पवार यांच्या वाढदिवसानिमित्त पोलिस बांधवांना मास्क व सॅनिटायझर्सचे वाटप, बेघर, निराश्रीतांच्या निवार्‍याची व्यवस्था. कोरोनाच्या पार्श्‍वभुमीवर लॉकडाऊन काळात भाजीपाला, अर्सेनिक अल्बम गोळ्यांचे वाटप असे उल्लेखनीय कार्य त्यांनी केलेले आहे. समाजाच्या हितासाठी विविध आंदोलनातही त्यांनी सक्रीय सहभाग घेतला आहे. त्यांच्या निवडीचे सर्वत्र स्वागत होत आहे.
प्लेसमेंटच्या दृष्टीने विद्यार्थ्यांच्या तांत्रिक कौशल्यविकासासाठी ट्रेनिंग अँड प्लेसमेंट सेलचा पुढाकार सिंहगड कॉलेज ऑफ इंजिनिअरिंग, पंढरपूर…
शैक्षणिक संस्थांचा पाठिंबा; प्रचाराच्या अंतिम टप्प्यात पदाधिकारी आणि कार्यकर्त्यांचा उत्साह शिगेला सातारा : पुणे विभाग…
NEP २०२०च्या नावाखाली प्राध्यापकांची पदे कमी होऊ देणार नाही; आश्रमशाळांच्या सुधारणांसाठी कटिबद्ध! पुणे : राष्ट्रीय…
गृहभेटी, दूरध्वनी संपर्क आणि वैयक्तिक संवादातून शिक्षक मतदारांपर्यंत पोहोचण्यावर भर सातारा : पुणे विभाग…
ज्ञानयात्री डॉ. रोंगे सर विजयी होणार सांगोला– राज्यातील शिक्षक मतदार संघाची निवडणूक अवघ्या काही दिवसांवर…
ज्ञानयात्री डॉ. रोंगे सर १०० टक्के विजयी होणार मिरज – राज्यातील शिक्षक मतदार संघाची निवडणूक…