कोर्टी, पंढरपूर (दि. २९ जून २०२६):
सावित्रीबाई फुले शिक्षण प्रसारक मंडळ संचलित एसकेएन सिंहगड अभियांत्रिकी महाविद्यालय, कोर्टी, पंढरपूर येथील इलेक्ट्रॉनिक्स अँड टेलिकम्युनिकेशन अभियांत्रिकी विभाग आणि आयईटीई स्टुडंट्स फोरम यांच्या संयुक्त विद्यमाने “मॉडर्न सिमॉस डिझाईन फ्रॉम प्रोसेस टेक्नॉलॉजी टू डिजिटल बिल्डिंग ब्लॉक्स” या विषयावर एकदिवसीय कार्यशाळेचे आयोजन करण्यात आले. अशी माहिती महाविद्यालयाचे प्राचार्य डॉ.कैलाश करांडे यांनी दिली
या कार्यशाळेसाठी डॉ. धर्मेंद्र गणगे ( असिस्टंट प्रोफेसर ,पुणे) हे प्रमुख मार्गदर्शक ( रिसोर्स पर्सन) म्हणून उपस्थित होते. त्यांनी सिमॉस फॅब्रिकेशन प्रक्रिया, मॉस लेयर्स, स्टिक डायग्राम, लॅम्ब्डा-आधारित डिझाईन, सिमॉस प्रोसेस फ्लो तसेच डिजिटल बिल्डिंग ब्लॉक्स या विषयांवर सविस्तर मार्गदर्शन केले. उद्योगातील आधुनिक तंत्रज्ञान, सेमीकंडक्टर क्षेत्रातील करिअरच्या संधी आणि व्ही एल एस आय डिझाईनमधील नव्या प्रवाहांची माहिती त्यांनी विद्यार्थ्यांना दिली.
या कार्यशाळेत तृतीय वर्ष व अंतिम वर्ष इलेक्ट्रॉनिक्स अँड टेलिकम्युनिकेशन अभियांत्रिकी विभागातील विद्यार्थ्यांनी उत्स्फूर्त सहभाग नोंदविला. प्रश्नोत्तरांच्या माध्यमातून विद्यार्थ्यांनी विविध तांत्रिक शंकांचे निरसन करून मौल्यवान ज्ञान संपादन केले.
कार्यक्रमाचे आयोजन कार्यशाळा समन्वयक डॉ. अंजली पिसे यांनी केले. कार्यक्रमासाठी डॉ. अल्ताफ मुलाणी (विभागप्रमुख), डॉ. स्वानंद कुलकर्णी (उपप्राचार्य) आणि डॉ. कैलाश करांडे (प्राचार्य) यांचे मोलाचे मार्गदर्शन लाभले. कार्यक्रमाचे सूत्रसंचालन तृतीय वर्ष इलेक्ट्रॉनिक्स अँड टेलिकम्युनिकेशन अभियांत्रिकी विभागातील कु. वैष्णवी पवार आणि कु. निलोफर शेख यांनी उत्कृष्टरीत्या केले. कार्यशाळेच्या माध्यमातून विद्यार्थ्यांना सिमॉस व्हीएलएसआय डिझाईन, सेमीकंडक्टर प्रक्रिया तंत्रज्ञान आणि डिजिटल सर्किट डिझाईन याबाबत सखोल माहिती मिळाली. कार्यक्रमाच्या शेवटी डॉ. कैलाश करांडे (प्राचार्य) यांनी कार्यशाळेचे कौतुक करत विद्यार्थ्यांनी अशा तांत्रिक कार्यशाळांचा लाभ घेऊन आधुनिक तंत्रज्ञान आत्मसात करावे, तसेच अशा उपक्रमांचे नियमित आयोजन व्हावे, अशी अपेक्षा व्यक्त केली.
मगरवाडी (ता. पंढरपूर) : जिल्हा परिषद प्राथमिक शाळा, मगरवाडी, ता. पंढरपूर, जि. सोलापूर येथे विद्यार्थिनींनी…
कर्मयोगी इन्स्टिट्यूट ऑफ फार्मसी, पंढरपूर येथे आंतरराष्ट्रीय अमली पदार्थ सेवन व अवैध तस्करी विरोधी दिन…
पंढरपूर शहरातील प्रवासी, व्यापारी, विद्यार्थी तसेच लाखो भाविकांच्या सोयीसाठी विविध नवीन रेल्वे सेवा सुरू कराव्यात,…
गिरिम, ता. दौंड जि. पुणे येथील मुळ रहिवासी असलेले व सध्या अहिल्यानगर येथे कार्यरत असलेले…
पंढरपूर तालुकाध्यक्षपदी बालम मुलाणी, शहराध्यक्षपदी दत्ताजी पाटील जागतिक मानव अधिकार सुरक्षा फेडरेशन (महाराष्ट्र- दिल्ली) संघटनेच्या…
‘निरोगी वृद्धत्वासाठी योग’ या संकल्पनेतून योग दिन साजरा. भारत सरकारच्या आयुष मंत्रालयाच्या मार्गदर्शनाखाली आणि २०२६…
