सावित्रीबाई फुले शिक्षण प्रसारक मंडळ संचलित एस.के.एन. सिंहगड कॉलेज ऑफ इंजिनियरिंग, कोर्टी, पंढरपूर येथील संगणक विज्ञान व अभियांत्रिकी विभागामध्ये आयईआय (भारतीय अभियंता संस्था) यांच्या संयुक्त विद्यमाने “उद्योगाभिमुख क्लाऊड तंत्रज्ञान” या विषयावर एकदिवसीय परिसंवादाचे आयोजन करण्यात आले. सदर कार्यक्रम शुक्रवार, दि. २० फेब्रुवारी २०२६ रोजी सकाळी ११.०० वाजता संगणक विज्ञान व अभियांत्रिकी विभागात येथे उत्साहात संपन्न झाला.
या परिसंवादासाठी प्रमुख वक्ते म्हणून डॉ. पी. बी. देशमुख (सोल्युशन आर्किटेक्ट आणि डेव्हऑप्स अभियंता, तांत्रिक प्रमुख, सिग्नियस, पुणे) उपस्थित होते. त्यांनी आपल्या व्याख्यानात क्लाऊड संगणनाची मूलभूत संकल्पना, उद्योग क्षेत्रातील त्याचे वाढते महत्त्व, विकास व कार्यप्रणाली पद्धती, स्वयंचलन, घटक-संकुलीकरण तंत्रज्ञान तसेच आधुनिक माहिती तंत्रज्ञान पायाभूत संरचना याविषयी सविस्तर मार्गदर्शन केले.
यावेळी त्यांनी विद्यार्थ्यांना उद्योगात आवश्यक असलेली कौशल्ये, विविध प्रमाणपत्रांचे महत्त्व तसेच क्लाऊड तंत्रज्ञान क्षेत्रातील करिअरच्या विविध संधी यांविषयी सविस्तर माहिती दिली. प्रत्यक्ष प्रकल्पांतील अनुभव आणि उदाहरणांच्या माध्यमातून त्यांनी विद्यार्थ्यांच्या शंकांचे समाधान केले. त्यांच्या मार्गदर्शनामुळे विद्यार्थ्यांना उद्योगाभिमुख तंत्रज्ञानाची स्पष्ट दिशा मिळाली. उद्योगाभिमुख क्लाऊड तंत्रज्ञान हे आधुनिक उद्योगांचे कणा बनले असून, यामुळे उद्योग अधिक कार्यक्षम, सुरक्षित आणि स्पर्धात्मक होत आहेत. त्यामुळे विद्यार्थ्यांनी व व्यावसायिकांनी या तंत्रज्ञानाचे ज्ञान आत्मसात करणे अत्यंत आवश्यक आहे.
कार्यक्रमास उपप्राचार्य डॉ. स्वानंद कुलकर्णी, विभागप्रमुख डॉ. सुभाष व्ही. पिंगळे तसेच भारतीय अभियंता संस्था समन्वयक प्रा. मनोज एस. कोळी यांची प्रमुख उपस्थिती लाभली. कार्यक्रमाच्या अध्यक्षस्थानी प्राचार्य डॉ. कैलाश करांडे होते. यावेळी मान्यवरांच्या हस्ते प्रमुख पाहुण्यांचा पुष्पगुच्छ देऊन सत्कार करण्यात आला.
कार्यक्रमास विद्यार्थ्यांचा उत्स्फूर्त प्रतिसाद लाभला. प्रश्नोत्तर सत्रात विद्यार्थ्यांनी सक्रिय सहभाग घेतला. या परिसंवादामुळे विद्यार्थ्यांना आधुनिक उद्योगमान्य तंत्रज्ञानाची माहिती मिळून त्यांचा आत्मविश्वास वाढण्यास मदत झाली.
कार्यक्रमाच्या यशस्वी आयोजनासाठी संगणक विज्ञान व अभियांत्रिकी विभागातील सर्व प्राध्यापक व शिक्षकेतर कर्मचाऱ्यांनी विशेष परिश्रम घेतले.
एस के एन सिंहगड कॉलेज ऑफ इंजिनिअरिंग, पंढरपुर येथील सिव्हिल इंजिनिअरिंग विभाग व सिव्हिल इंजिनिअरिंग…
श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी पंढरपूर येथे दिनांक ४ एप्रिल २०२६ रोजी…
पंढरपूर : श्री पांडुरंग प्रतिष्ठान संचालित कर्मयोगी विद्यानिकेतन पंढरपूर शाळेचा इयत्ता चौथीतील विद्यार्थी पियुष पोपट…
पंढरपूर : प्रतिनिधी कोर्टी (ता. पंढरपूर) येथील एस. के. एन. सिंहगड कॉलेज ऑफ इंजिनिअरिंग, पंढरपूर…
पंढरपूर | प्रतिनिधी एस. के. एन. सिंहगड कॉलेज ऑफ इंजिनिअरिंग, पंढरपूर येथे मंगळवार, दि. १०…
तंत्रज्ञानाच्या कुंभमेळ्यात कर्मयोगीच्या विद्यार्थ्यांचे यश नुकत्याच पार पडलेल्या राज्यस्तरीय तंत्रज्ञान व प्रकल्प प्रदर्शनामध्ये कर्मयोगी इन्स्टिट्यूट…
