एस. के. एन. सिंहगड अभियांत्रिकी महाविद्यालय, कोर्टी येथील इलेक्ट्रिकल इंजिनिअरिंग स्टुडंट असोसिएशन (EESA) आणि IEEE स्टुडंट ब्रँच यांच्या संयुक्त विद्यमाने आयोजित इलेक्ट्रा 2K25 या वार्षिक तांत्रिक महोत्सवाचे भव्य आयोजन विद्यार्थ्यांच्या उत्स्फूर्त सहभागात आणि ऊर्जा भरलेल्या वातावरणात यशस्वीरित्या पार पडले.
या कार्यक्रमाचे उद्दिष्ट विद्यार्थ्यांमध्ये तांत्रिक कौशल्यांचा विकास, नेतृत्व क्षमता, सामूहिक कार्यसंस्कृती आणि नवोन्मेषी विचारसरणीला चालना देणे हे होते. महोत्सवामध्ये विविध स्पर्धा, कार्यशाळा व सादरीकरणांच्या माध्यमातून विद्यार्थ्यांना आपली प्रतिभा सादर करण्याची अनोखी संधी मिळाली.
कार्यक्रमाचा उद्घाटन समारंभ नवउद्योजक श्री. सागर एस. जगताप (संस्थापक, विराट लिफ्ट्स प्रा. लि.), उपप्राचार्य डॉ. स्वानंद कुलकर्णी, आणि विभागप्रमुख डॉ. के. शिवशंकर यांच्या उपस्थितीत दीपप्रज्वलनाने संपन्न झाला. उद्घाटनप्रसंगी बोलताना श्री. सागर जगताप म्हणाले: “विद्यार्थ्यांना नवकल्पना मांडण्याची, आपली व्यावसायिक क्षमता सिद्ध करण्याची ही एक उत्तम संधी आहे. अशा उपक्रमांमुळे विद्यार्थ्यांचा आत्मविश्वास, संघभावना आणि नेतृत्वगुण वृद्धिंगत होतात.”
या कार्यक्रमाचे यशस्वी आयोजन डॉ. के. शिवशंकर (विभागप्रमुख व IEEE काउन्सेलर), प्राचार्य डॉ. के. जे. करांडे (IEEE ब्रँच मेंटर) आणि डॉ. एस. जी. कुलकर्णी (IIC अध्यक्ष व उपप्राचार्य) यांच्या मार्गदर्शनाखाली करण्यात आले. प्रा. पी. बी. व्यवहारे व प्रा. ए. आर. मासाळ यांनी संयोजनाची जबाबदारी पार पाडली. विद्यार्थी समन्वयक आकाश चौगुले आणि यश पवार यांनी कार्यक्रम व्यवस्थापनात विशेष मेहनत घेतली. कार्यक्रमाचे उत्कृष्ट सूत्रसंचालन प्रतीक फुंदे आणि प्राप्ती खळगे यांनी केले. या कार्यक्रमात महाविद्यालयातील ४३० हून अधिक विद्यार्थ्यांनी विविध स्पर्धांमध्ये सहभाग नोंदवला. विद्यार्थ्यांच्या ज्ञान, सर्जनशीलता, वक्तृत्व कौशल्य आणि गेमिंग स्किल्स यांची उजळ झलक या स्पर्धांमधून दिसून आली.
या तांत्रिक महोत्सवामध्ये विविध प्रकारच्या स्पर्धेचे नियोजन केले गेले त्यामध्ये विजेता व उपविजेता ठरलेले विद्यार्थी पुढीलप्रमाणे : क्विझ स्पर्धा – विजेता: शुभम ताठे, उपविजेती: गौरी कोरके, पझल बोर्ड- विजेता: अनिष्का राऊत, उपविजेता: अर्जुन नायकु, मोबाईल गेम – Free Fire – विजेते: गणेश कुंभार, आर्यन चापके, प्रतीक चव्हाण, प्रेम शिंदे, उपविजेते: आशिष गायकवाड, सुदर्शन नवले, विराज चव्हाण, सूरज खाडे, BGMI स्पर्धा- विजेते: अथर्व मोहिते, जयेश भोसले, यशराज लाडे, सुयश फडके, उपविजेते: ओंकार माळी, तन्मय सुदाके, मयूर चव्हाण, आदर्श गायकवाड, लुडो स्पर्धा- विजेता: अर्जुन होनकळस, उपविजेती: सुकन्या शिंदे, व्हिडीओग्राफी स्पर्धा- विजेते: वाळूजकर, करण गांजले, उपविजेते: धीरज गायकवाड, गणेश लोहार इ. विद्यार्थ्यांनी वरीलस्पर्धेमध्ये घवघवीत यश संपादन केले. ‘इलेक्ट्रा-2K25’ हा उपक्रम विद्यार्थ्यांसाठी केवळ मनोरंजन आणि स्पर्धा न ठरता, ज्ञानवर्धन, कौशल्यविकास, आणि व्यक्तिमत्व विकासाचा एक प्रेरणादायी आणि संस्मरणीय अनुभव ठरला. या कार्यक्रमाच्या यशस्वितेसाठी विद्युत अभियांत्रिकी विभागातील सर्व शिक्षकवृंद, शिक्षकेतर कर्मचारी व स्वयंसेवक विद्यार्थ्यांचे मोलाचे योगदान लाभले.
प्लेसमेंटच्या दृष्टीने विद्यार्थ्यांच्या तांत्रिक कौशल्यविकासासाठी ट्रेनिंग अँड प्लेसमेंट सेलचा पुढाकार सिंहगड कॉलेज ऑफ इंजिनिअरिंग, पंढरपूर…
शैक्षणिक संस्थांचा पाठिंबा; प्रचाराच्या अंतिम टप्प्यात पदाधिकारी आणि कार्यकर्त्यांचा उत्साह शिगेला सातारा : पुणे विभाग…
NEP २०२०च्या नावाखाली प्राध्यापकांची पदे कमी होऊ देणार नाही; आश्रमशाळांच्या सुधारणांसाठी कटिबद्ध! पुणे : राष्ट्रीय…
गृहभेटी, दूरध्वनी संपर्क आणि वैयक्तिक संवादातून शिक्षक मतदारांपर्यंत पोहोचण्यावर भर सातारा : पुणे विभाग…
ज्ञानयात्री डॉ. रोंगे सर विजयी होणार सांगोला– राज्यातील शिक्षक मतदार संघाची निवडणूक अवघ्या काही दिवसांवर…
ज्ञानयात्री डॉ. रोंगे सर १०० टक्के विजयी होणार मिरज – राज्यातील शिक्षक मतदार संघाची निवडणूक…