कर्मयोगी च्या निसर्गरम्य प्रांगणात राज्यस्तरीय तंत्र परिषदेचे आयोजन. कर्मयोगी इन्स्टिट्यूट मध्ये २६ एप्रिल रोजी संपन्न होणार “कर्माटेक २०२५”

विद्यार्थ्यांचे अभियांत्रिकीमधील ज्ञान वृधिंगत होऊन त्याला चालना व प्रोत्साहान देण्यासाठी कर्मयोगी इन्स्टिट्यूट ऑफ टेक्नोलॉजी (अभियांत्रिकी) महाविद्यालय शेळवे पंढरपूर येथे शनिवार दि. २६ एप्रिल २०२५ रोजी “कर्माटेक २०२५” या राज्यस्तरीय तंत्र परिषदेचे आयोजन करण्यात आले आहे अशी माहिती श्री पांडुरंग प्रतिष्ठानचे चेअरमन रोहन परिचारक व महाविद्यालयाचे प्राचार्य डॉ. एस पी पाटील यांनी दिली.
याबाबत ची अधिक माहिती देताना महाविद्यालयाचे प्राचार्य डॉ. एस पी पाटील म्हणाले की “कर्माटेक २०२५” मध्ये इलेक्ट्रॉनिक्स अँड टेलि कम्युनिकेशन, कम्प्युटर सायन्स अँड इंजिनियरिंग, सिव्हिल व मेकॅनिकल इंजिनियरिंग विभागातील विद्यार्थ्यांसाठी अभियांत्रिकीच्या ज्ञानावर आधारित विविध स्पर्धेचे आयोजन केले आहे. यामध्ये आयडिया प्रेझेंटेशन, सी हंट, पोस्टर प्रेझेंटेशन, प्रोजेक्ट एक्सिबीशन, ब्रिज मॉडेल मेकिंग, इलेक्ट्रॉनिक्स क्वीज, सर्किट सुडोकू, ग्रीन बिल्डिंग, इलेक्ट्रॉनिक्स क्विज अश्या विविध स्पर्धांचे आयोजन करण्यात आले आहे. या स्पर्धेतील विजेत्या विद्यार्थ्यांसाठी पन्नास हजार रुपायंहून अधिक ची बक्षिसे दिली जाणार आहेत. या सर्व स्पर्धा राज्यस्तरीय स्तरावर होतील. तसेच सदरच्या स्पर्धेमध्ये राज्यातील विविध नामांकित अभियांत्रिकी महाविद्यालयातून जवळपास पाचशेहून अधिक विद्यार्थी सहभागी होणार असून अभियांत्रिकीच्या सर्व शाखेतील विद्यार्थ्यानी आपला सहभाग नोंदवावा तसेच ऐनवेळी येणाऱ्या विद्यार्थ्यांना स्पर्धेमध्ये सहभागी होण्याची संधी उपलब्ध केली आहे याचा विद्यार्थ्यांनी लाभ घ्यावा असे आवाहन “कर्माटेक २०२५” चे संयोजक डॉ. अभय उत्पात व सहसंयोजक प्रा. दीपक भोसले यांनी केले.