पंढरपूर येथे महाराष्ट्र साहित्य परिषदेचे व्याख्यानमाला संपन्न तीन दिवशीय व्याख्यानमालेने श्रोते मंत्रमुग्ध.

पंढरपूर (प्रतिनिधी)समाज माध्यमांचे जसे फायदे आहेत तसेच माध्यमांमुळे चुकीची माहिती पसरवण्याची शक्यता जास्त असून अनेकदा समज माध्यमातून दिशाभूल करणारी माहिती पसरविली जाते .सोशल मीडियाची ताकद इतकी आहे की जगातील अनेक देशात या सोशल मीडियातील प्रचारामुळे सरकार बदलली गेली आहे अशी माहिती आपल्या व्याख्यानातून डॉ.आशुतोष जावडेकर यांनी दिली. महाराष्ट्र साहित्य परिषद पंढरपूर शाखेच्या व्याख्यानमालेचे पहिले पुष्प आशुतोष जावडेकर यांच्या व्याख्यानाने संपन्न झाले पुढे बोलताना जावडेकर म्हणाले की, भविष्यात इमोजी हे एक भाषाशास्त्रच होईल.जगात अनेक भाषा बोलल्या जातात परंतु इमोजी मुळे जगाची भाषा एक होऊ शकते .अनेक लहान मुले इमोजी वापरून आपल्या भावना व्यक्त करतात व्याकरण,व्यंजन, लिपी या दुय्यम गोष्टी असून इमोजीच्या माध्यमातून भावना आणि अर्थ एकमेकांना पोहोचण्याचे काम समाज माध्यमातून या इमोजीद्वारे होत आहे असे त्यांनी यावेळी सांगितले. त्याला जोडूनच के बी.पी. कॉलेजचे मराठी विभागप्रमुख प्रा.डॉ. रमेश शिंदे कार्यवाह कल्याणराव शिंदे यांनी प्रकट मुलाखतीतून त्याच्यातील विविध प्रकारच्या व्यक्तिमत्वावर प्रकाश टाकला.पाहुण्यांचा परिचय मंदार केसकर यांनी करून दिला. कार्यक्रमाचे अध्यक्ष स्वेरी कॉलेजचे प्राचार्य बी.पी.रोंगे सर हे होते. याच व्याख्यानमालेतील दुसरे पुष्प हे कवींच्या कविता संमेलनाने संपन्न झाले. यामध्ये सांगली येथील सुप्रसिद्ध कवी रमजान मुल्ला, सुनील जवंजाळ(चोपडी)
शिवाजी बंडगर(सांगोला) सूर्याचीभोसले(पुळुज )प्रेमकुमार वाघमारे(सांगोला) या कवींच्या कविताने वातावरण फुलून गेले. कवी रमजान मुल्ला यांच्या

अंतरातल्या किंकाळीने बधीर झालो आहे, मला वाटते मी चोखोबा कबीर झालो आहे.
या कवितेने रसिकांची मनी जिंकली.त्याचबरोबर नाझरे येथील सुनील जवंजाळ यांनी . *कुठला चंद्र आणि कुठल्या
चांदण्या रोज मोजाव्या लागतात कूकरच्या शिट्या ही कविता सादर करून रसिकांना हसवत गंभीर केले. तसेच कवी संमेलनाचे अतिशय उत्तम सूत्रसंचालन केले.सूर्याजी भोसले यांनी ओढणी व *पुस्तक या कवितामधुर आवाजात सादर केल्या. सांगोल्याचे शिवाजी बंडगर यांनी सांगा मी नंदायाचकी नाय ही कविता सासूची कविता सादर करून खळखळून हसवले. प्रेमकुमार वाघमारे यांनी नेटक्या आवाजात लेक ही कविता सादर केली. इतरही कविता सादर करण्यात आल्या. या कवी संमेलनाच्या कार्यक्रमाचे अध्यक्षस्थान उमा कॉलेजचे माजी प्राचार्य डॉ. मिलिंद परिचारक यांनी भूषविले.त्यांनी आपल्या विडंबन काव्याने रसिकांना खळखळून हसवले
या व्याख्यानमालेचे तिसरे पुष्प कथाकथनकार जयवंत आवटे सांगली यांचे होते त्यांनी आपल्या कथाकथनातून प्रेक्षकांमध्ये जसा हशा पिकवला तसेच कथाकथनाचा शेवट करताना श्रोत्यांना गंभीर केले अशी काळजाला हात घालणारी त्यांची ‘जाणती ही कथा प्रेक्षकांच्या मनाचा ठाव घेऊन गेली. कथाकथनाच्या कार्यक्रमाचे अध्यक्षस्थानी सिंहगड इंजिनिअरिंग कॉलेजचे प्राचार्य डॉ.कैलास करांडे सर हे होते.
महाराष्ट्र साहित्य परिषद शाखा पंढरपूरयांनीपंढरपूरवासियांसाठी तीन दिवशी व्याख्यानमालेतून साहित्यिक मेजवानी दिली. हा कार्यक्रम यशस्वी करण्यासाठी महाराष्ट्र साहित्य परिषदेचे सोलापूर जिल्ह्याचे प्रतिनिधी/कार्यवाह कल्याणराव शिंदे,पंढरपूर शाखेचे अध्यक्ष सिद्धार्थ ढवळे सर, कार्याध्यक्ष माळी सर , कोषाध्यक्ष मंदार केसकर, प्रा. धनाजी चव्हाण प्रा.डॉ.रमेश शिंदे सर यांनी परिश्रम केले तिन्ही दिवसाच्या कार्यक्रमाची सूत्रसंचालन लेखक, कवी अंकुश गाजरे सर यांनी केले. आभार दत्तात्रय तरळगट्टी सर, भास्कर बंगाळे, शिवाजीराव बागल यांनी मानले. कार्यक्रमासाठी डॉ.मारुती टकले, डॉ.राजेंद्र जाधव पंढरपुरातील साहित्यिक, कवी, लेखक, प्राध्यापक, शिक्षक, महिला,मान्यवर मोठ्या संख्येने उपस्थित होते उपस्थित होते यावेळी नूतन कार्यकारिणी व पदाधिकारी व सदस्यांचा सत्कार करण्यात आला.