अॅड. संदिप कागदे यांनी केलेला युक्तिवाद ग्राह्य धरून अटकपूर्व जमीन मंजूर
लोखंडी पहारीने जखमी करून सोन्याची चेन व रोख रक्कम हिसकावून घेतल्या प्रकरणी तीन जणांना अटकपूर्व जामीन मंजूर केलेला आहे. लोखंडी पहारीने जखमी करून सोन्याची चेन व रोख रक्कम हिसकावून घेतल्या प्रकरणी १. नामदेव बजरंग रुपनर, २. राहूल नामदेव रूपनर, ३. गिरीधर तानाजी मस्के उर्फ बबलु मस्के सर्व रा. तिसंगी, ता. पंढरपूर, जि. सोलापूर यांना पंढरपूर येथील मे. जिल्हा व सत्र न्यायाधिश श्री. सुरवसे साहेब यांनी अटकपूर्व जमीन मंजूर केलेला आहे.
सदरील घटनेची हकीकत अशी की, सदर घटनेतील फिर्यादी हा आप्पासो दादा येळे हा आहे. यातील फिर्यादी हा वरील ठिकाणी आई मैनाबाई वडिल दादा, पत्नी दिपाली, तीन मुले रिया, श्रेया व प्रणय असे एकत्रात राहणेस असून फिर्यादी हा शेती करून कुटूंबाची उपजिवीका भागवतो. फिर्यादी याचे सन २०१८ साली मौजे तिसंगी येथील नामदेव रूपनर यांची मुलगी दिपाली हिचेबरोबर लग्न झालेले होते. मागील तीन वर्षापासून आमचेत व सासरे यांचे किरकोळ कारणावरून वादावादी झाली होती. तेव्हापासून आमचे एकमेकांकडे येणेजाणे नाही. दिनांक २४/१/२०२५ रोजी सकाळी १०.०० वा चे सुमारास फिर्यादीची सासू बायडाबाई ही आमचे घरी आली होती. त्यावेळी सासू बायडाबाई हिने पत्नी दिपाली हिस “नाराज आहेस, काय झाले आहे” असे विचारले असता पत्नी दिपाली हिने “माझेत व पती आप्पा यांचेत किरकोळ वाद झाला आहे असे सांगितले” त्यावेळी सासू बायडाबाई हिने “पत्नी दिपाली हिला माझे सोबत पाठवा.” असे म्हणालेनंतर मी त्यांना, “तुमची मुलगी घेवून जावा व माझे मुलांना इथेच राहू दया.” असे म्हणालो. त्यानंतर सायंकाळी ५.०० वा चे सुमारास फिर्यादीचे सासरे, नामदेव रूपनर, मेव्हणा राहूल रूपनर, बबलु मस्के, अमोल खरात, संभाजी महारनवर व इतर दोन अनोळखी इसम तेथे आले. त्यावेळी फिर्यादीचा सासरा नामदेव याने मला, “आमचे मुलीला आमचेसोबत पाठवा” असे म्हणाला त्यावेळी मी त्यांना, “तुमची मुलगी घेवून जावा व माझे मुलांना येथेच राहू दया” असे म्हणालो असता सासरे नामदेव व मेव्हणा राहूल व बबलू मस्के यांनी मला तु कसा काय पाठवत नाही ते बघतो.” असे म्हणून शिवीगाळी दमदाटी करून हाताने लाथाबुक्यांनी मारहाण केली. त्यावेळी मेव्हणा राहून रूपनर याने तेथे पडलेली लोखंडी पार उचलून माझे छातीवर मारून जखमी केले आहे. आमचे भांडण चालू असताना सासरा नामदेव रूपनर याने फिर्यादीचे खिशातील रुपये ३२०००/- रूपये व गळयातील दीड तोळे वजनाची सोन्याची चैन तोडून हिसकावून घेतली आहे. त्यावेळी फिर्यादी याची आई मैनाबाई ही सोडवणेसाठी मध्ये आली असता तिलाही सासरे नामदेव रूपनर व राहूल रूपनर यांनी शिवीगाळी दमदाटी करून ढकलून खाली पाडले. त्यावेळी त्याचे सोबत आलेले अमोल खरात, संभाजी महारनवर व इतर दोन अनोळखी ईसमांनी आमची भांडणे सोडवासोडवी करणेचा प्रयत्न केला, त्यानंतर फिर्यादी व फिर्यादीची आई मैनाबाई असे सर्वजण मिळून तक्रार देणेसाठी पोलीस ठाणेस आलो असता पोलीसांनी आम्हाला दवाखाना यादी दिलेनंतर आम्ही उपजिल्हा रुग्णालय पंढरपूर येथे जावून औषध उपचार करून पोलीस स्टेशनला तक्रार दिलेली आहे.
सदर प्रकारामुळे आरोपी विरुध्द भारतीय न्याय संहीताचे कलम ३५२, ३५१ (२),३५१ (१), ११९ (१), ११८ (१), ११५ (२), ३ (५) अन्वये गु.र.नं ६५/२०२५ चा गुन्हा दि.२४/०१/२०२५ रोजी रात्री ९.३९ मिनीटांनी पंढरपूर तालुका पोलीस स्टेशन येथे दाखल करणेत आलेला आहे.
सदर प्रकरणात अर्जदार यांचे वतीने अॅड. संदिप कागदे यांनी युक्तीवाद केला. सदरचा युक्तीवाद ग्राह्य धरून अर्जदार यांचा अटकपुर्व जामीन मंजूर करणेत आला.
सदर प्रकरणात अर्जदार यांचे वतीने अॅड. संदिप कागदे , अॅड. काकासो केंगार यांनी काम पाहिले.
पंढरपूर (प्रतिनिधी)समाज माध्यमांचे जसे फायदे आहेत तसेच माध्यमांमुळे चुकीची माहिती पसरवण्याची शक्यता जास्त असून अनेकदा…
श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी मध्ये दिनांक 8 मार्च 2025 रोजी जागतिक…
दुर्गा महा रॅलीने कर्मयोगी विद्यानिकेतन प्रशालेचा महिला दिन साजरा! कर्मयोगी विद्यानिकेतन पंढरपूर प्रशालेमध्ये प्रत्येक उपक्रम…
पंढरपूर (दि.04) :- इयत्ता दहावीच्या उर्वरित पेपर साठीची परिक्षा अत्यंक कडक आणि शिस्तबध्द घेण्यात याव्यात. तालुक्यात बोर्डाच्या…
येथील कर्मयोगी विद्यानिकेतन पंढरपूर प्रशालेमध्ये विज्ञानदिनानिमित्त प्रशालेच्या नर्सरी ते ९ वी पर्यंतच्या विद्यार्थ्यांनी वैज्ञानिक दृष्टिकोन…
पंढरपूर/प्रतिनीधी पुणे येथे झालेल्या कालवा सल्लागार समितीच्या बैठकीसाठी पंढरपूर मंगळवेढा विधानसभा मतदारसंघाचे पाणीदार आमदार समाधान…