विवाहित महिला कॅब ड्रायव्हरच्या प्रेमात पडली; नवऱ्याला सोडून पळून गेली, त्यानंतर भयंकर घडलं

विवाहित महिला कॅब ड्रायव्हरच्या प्रेमात पडली. त्यानंतर ती नवऱ्याला सोडून कॅब ड्रायव्हरसोबत पळून गेली. परंतु त्यानंतर अतिशय भयंकर घडलं आहे. तिच्या नवऱ्याने तिला आणि तिच्या प्रियकराचा खून केल्याची माहिती मिळतेय. 

कर्नाटकातील बेळगावी जिल्ह्यात एका व्यक्तीने पत्नी आणि तिच्या प्रियकराची हत्या केल्याचा आरोप आहे. 19 वर्षीय हिना मेहबूब आणि तिचा प्रियकर यासिन आदम (21 वर्ष) अशी मृतांची नावे आहेत. तौफीक शौकत (२४) असं आरोपीचं नाव आहे. तो कोकटनूर गावचा रहिवासी आहे.

हिना आणि तौफिक यांचं चार महिन्यांपूर्वी लग्न झालं होतं. त्यांनी दर्ग्यात जाण्यासाठी कॅब भाड्याने घेतली होती. मात्र, हिना कॅब ड्रायव्हर यासिनच्या प्रेमात पडली. त्यानंतर ती पतीला सोडून कॅब ड्रायव्हर यासिनसोबत पळून गेली. त्यानंतर हिना आणि तिचा प्रियकर यासीन कोकटनूर येथील फार्महाऊसमध्ये राहू लागले.

तौफिकला हिनाच्या या कृत्याचा राग आला. राग अनावर झाल्यामुळे तौफिकने मंगळवारी सायंकाळी त्यांच्या घरी जाऊन धारदार शस्त्राने वार केले. यामध्ये त्या दोघांचाही मृत्यू झालाय. तौफिकने पत्नी हिनाचा शिरच्छेद केला आणि नंतर यासिनची हत्या केली. आपल्या मुलीला वाचवण्यासाठी आलेल्या हिनाच्या आई-वडिलांवरही तौफिकने हल्ला केला. जखमींवर राज्यातील मिरज येथील रुग्णालयात उपचार सुरू आहेत. हल्ल्यानंतर आरोपी फरार झाला आहे. पोलिसांनी त्याला पकडण्यासाठी मोहीम सुरू केली आहे.