बायको मुलीसह माहेरी; पती संतापला, ‘तुझ्यामुळेच सगळं होतयं’ म्हणत सासूसोबत धक्कादायक कृत्य

पोटगी आणि मुलीचा ताबा मिळण्याबाबत पोलीस ठाण्यात केलेली केस मागे घेण्याच्या कारणावरून जावयाने सासूला चाकूने भोकसल्याची घटना पुणे जिल्ह्यातील हवेली ग्रामपंचायत येथील नायगाव हद्दीत घडली आहे. ही घटना बुधवारी (ता. १३) सायंकाळी साडेपाच वाजण्याच्या सुमारास घडली. याप्रकरणी रुपाली संग्राम शिंदे (२८, रा. सध्या आर्दश कॉलनी नायगाव ता. हवेली, जि. पुणे.) यांनी लोणी काळभोर पोलीस ठाण्यात तक्रार दिली आहे.

मिळालेल्या माहितीनुसार, संग्राम बळवंत शिंदे (३८, रा. शिंदे वस्ती रेल्वेलाईन जवळ मोंडनिंव ता. माढा जि. सोलापुर) असे हल्ला करणाऱ्या आरोपी जावयाचे नाव आहे. तर अलका गवळी (रा. नायगाव) असे हल्ल्यात जखमी झालेल्या सासूचे नाव आहे. आरोपी संग्राम आणि रुपाली यांचा विवाह झालेला आहे. त्यांच्यात कौटुंबिक कारणावरून वाद झाला होता. बुधवारी संग्राम हा रुपाली राहत असलेल्या ठिकाणी आला होता. रुपाली शिंदे यांनी संग्राम याच्यावर पोटगी आणि मुलीचा ताबा मिळणेबाबत फिर्याद दिली होती. त्यानुसार संग्राम याने रुपालीला केलेली केस मागे घे, असे म्हणाला. यावेळी फिर्यादी यांनी आरोपीला जे काही होईल ते कोर्टात होईल” असे म्हणाले.

याचा आरोपीला राग आल्याने त्यांनी त्यांचे टिफिनच्या पिशवीतून आणलेला धार धार चाकू काढून रुपाली यांना तुला जिवानीशी सोडणार नाही असे म्हणाला. यावेळी संग्राम हा रुपालीच्या अंगावर धावत जाऊन मारत असताना अल्का गवळी यांनी मध्यस्ती केली. आरोपी संग्राम याने तुझ्यामुळेच सगळं होत आहे. तुच केस मिटवू देत नाही. तुलाच खल्लास करतो, असे म्हणत धारधार चाकुने सासू अल्का गवळी यांना चाकूने ३ वेळेस भोकसले तसेच डाव्या हातावर चाकुने वार करुन गंभीर जखमी केले. या घटनेचा तपास पोलीस उपनिरीक्षक अमोल घोडके करत आहेत.