कटनी ते सतना दरम्यान धावणाऱ्या ट्रेनमध्ये महिलेसोबत छेडछेड केल्याची घटना समोर आली आहे. सतना रेल्वे स्थानकावर ट्रेन थांबल्यावर आरोपीने महिलेला बोगीतून बाहेर फेकून गेट बंद केलं. ट्रेन स्टेशनवर 30 मिनिटं उभी होती, पण जीआरपीला बोगीचं गेट उघडता आलं नाही. ही घटना रविवारी रात्री उशिरा घडल्याचं सांगण्यात येत आहे. सतनाहून निघाल्यानंतर रीवाच्या आधी बगहाई येथे गाडी थांबवण्यात आली. पोलिसांनी आरोपीला अटक केली आहे.
याप्रकरणी जीआरपी-आरपीएफने सध्या मौन बाळगलं आहे. ज्या रेल्वेत ही घटना घडली ती गाडी विधानसभा निवडणुकीसाठी आलेल्या पोलीस दलासाठी धावत होती. ट्रेन रिकामी होती आणि कटनीहून परतत होती. गाडी पकारिया स्टेशनवर बराच वेळ उभी राहिली. दरम्यान, महिला ट्रेनमध्ये टॉयलेटला गेली असता आरोपीने तिला पकडलं. या महिलेला जीआरपी चौकीत आणण्यात आलं आहे. पीडितेने सांगितलं की, जेव्हा ती ट्रेनमध्ये चढली तेव्हा तिच्या मागे कोणीतरी आहे याची तिला कल्पना नव्हती. अज्ञात व्यक्तीने येऊन तिला ढकलून मारहाण करण्यास सुरुवात केली.
मिळालेल्या माहितीनुसार, रविवारी संध्याकाळी ही महिला कटनी ते उचेहरा या मेमू ट्रेनमध्ये प्रवास करत होती. ट्रेन कटनीपासून काही अंतरावर असलेल्या पकारिया स्टेशनवर आली तेव्हा एसी कोचमध्ये बसलेली महिला बाथरूममध्ये गेली. दरम्यान, पंकज कुशवाह नावाचा तरुण ट्रेनमध्ये चढला आणि बाथरूममध्ये घुसून बाथरूमचा दरवाजा बंद करून तरुणीला मारहाण करून तिच्यावर अत्याचार केला. यानंतर ट्रेन सतना स्थानकावर येताच मुलीने मदतीसाठी आरडाओरडा केला. यानंतर आरोपीने महिलेला बोगीतून बाहेर फेकलं.
इ अँड टी सी (E&TC) विभागाला बेस्ट डिपार्टमेंट अवॉर्ड , अभियंता म्हणजे प्रॉब्लेम सॉल्व्हर— इआर.…
स्वेरी व एस.व्ही.आय.टी. चा संयुक्त उपक्रम कुर्डुवाडी- शिक्षणातील नवनवीन उपक्रमासाठी राज्यात प्रसिद्ध असलेल्या गोपाळपूर येथील…
पंढरपूर- महाराष्ट्र राज्य शुश्रुषा व परावैद्यक शिक्षण मंडळाकडून घेण्यात आलेल्या उन्हाळी परीक्षा २०२६ चा जी.एन.…
पंढरपूर : एस.के.एन. सिंहगड कॉलेज ऑफ इंजिनिअरिंग, पंढरपूर येथे अंतिम वर्षातील सर्व शाखांच्या विद्यार्थ्यांसाठी आगामी…
कोर्टी, पंढरपूर येथील एस. के. एन. सिंहगड अभियांत्रिकी महाविद्यालयात दि. २९ ऑगस्ट २०२६ रोजी स्टेट…
माढा विधानसभा मतदारसंघाचे मा. आ. बबनदादा शिंदे यांच्या ७५ व्या अमृत महोत्सवी वाढदिवसानिमित्त संकल्प फाऊंडेशन,…
