पित्यानेच आपल्या मुलीवर अत्याचार केल्याची धक्कादायक घटना नालासोपारा परिसरात समोर आली आहे. आरोपी पिता मारहाण करून स्वतःच्या मुलीवर अत्याचार करत होता. याप्रकरणी नालासोपारा पोलीस ठाण्यात आरोपी पित्याविरोधात गुन्हा दाखल करण्यात आला आहे. २२ वर्षाची पिडीत तरुणी ही नालासोपारा परिसरात वास्तव्यास होती.
गेल्या काही महिन्यांपासून पीडित तरुणीला क्षयरोग झाल्याने तिला गेल्या आठवड्यात मुंबईतील जे जे रुग्णालयात उपचारासाठी दाखल करण्यात आले. मात्र उपचारादरम्यान तरुणीचा मृत्यू झाला. मुलीच्या मृत्यूनंतर आईने नालासोपारा पोलीस ठाणे गाठत पीडित मृत मुलीच्या हत्येविरोधात तक्रार दाखल केली आणि त्यात धक्कादायक बाब उघड झाली. आरोपी वडील मुलीला घरात डांबून तिला मारहाण करून तिच्यावर अत्याचार करत होता. याबाबत बाहेर कुठे वाच्यता केल्यास ठार मारण्याची धमकी देखील देत होता. त्यामुळे पीडित आणि तिची आई भीतीपोटी गप्प राहिले.
या काळात मुलगी गर्भवती झाल्याने तिचा आरोपी पित्याने बळजबरीने गर्भपातही केला. पीडित मुलगी क्षयरोगाने आजारी असतानाही देखील वडिलाचे आपल्या मुलीवर अत्याचार सुरूच होते. मुलीच्या मृत्यूनंतर तिच्या आईने धाडस दाखवत नालासोपारा पोलिसांत तक्रार दाखल केली. पित्याने केलेले अत्याचार व मारहाणीमुळे आपल्या मुलीचा मृत्यू झाल्याचा आरोप मृत मुलीच्या आईने केला आहे. याप्रकरणी पिडीत मृत मुलीच्या आईच्या तक्रारीवरून पोलिसांनी आरोपी पित्याविरोधात कलम ३७६(एन), ३५४ (अ), ३४२, ३२२, ३२३, ५०४, ५०६, ३४ अन्वये गुन्हा दाखल केला आहे.
* 25 फेऱ्यांतून मतमोजणी होणार पूर्ण पंढरपूर : पंढरपूर विधानसभा निवडणुकीची मतमोजणी 23 नोव्हेंबर रोजी…
२५२ पंढरपुर विधानसभा मतदार संघ मतमोजणी प्रक्रिया दि. २३/११/२०२४ रोजी सकाळी ०८.०० वा. पासुन शासकिय…
पंढरपूर /प्रतिनिधी पंढरपूर मंगळवेढा मतदारसंघातील मनसेचे उमेदवार दिलीप बापू धोत्रे भेट देत असून तेथील नागरिकांशी…
विद्यार्थ्यांनी आधुनिक तंत्रज्ञानाचा वापर करून समाजातील सामान्य घटकाचे जीवन सुलभ व सुकर होईल असे समाजोपयोगी…
पंढरपूर शहर व तालुक्यात तसेच इतर जिल्ह्यांमध्ये शैक्षणिक क्षेत्रामद्धे आपले वलय निर्माण केलेल्या श्री पांडुरंग…
पक्ष निरीक्षक शेखर माने यांच्या हस्ते निवडीचे पत्र प्रदान पंढरपूर शहर तालुक्याच्या राजकारणात कट्टर शरद…
