डॉक्टर-डॉक्टर खेळू असे म्हणत पोटच्या तीन वर्षाच्या चिमुकलीवर पेशाने शिक्षक असलेल्या बापाने अत्याचार केल्याची खळबळजनक घटना उघडकीस आली आहे. या प्रकरणी मुलीच्या आईने दिलेल्या तक्रारीवरून शिक्षक असलेल्या बापाविरूध्द गुन्हा दाखल करण्यात आला असून याप्रकरणी बेगमपुरा पोलिसांनी नराधम बापाला बेड्या ठोकल्या.
मिळालेल्या माहितीनुसार, चाऊस कॉलनीतील ३५ वर्षीय ला अटक केलेल्या आरोपीचे नाव आहे. आरोपी हा अभियंता असून तो एका इंग्रजी शाळेत शिक्षक आहे. त्याला एक तीन वर्षाची मुलगी असून दोन महिन्यांपुर्वी नुकताच एक मुलगा देखील झालेला आहे. रविवारी दुपारी घरात एकटा असताना बापाने तीन वर्षीय चिमुकलीला डॉक्टर डॉक्टर खेळण्याचे सांगत तिच्यावर अत्याचार केला. रात्रीच्या सुमारास अचानक तिला ताप आल्याने आईने तिला उठवले असता जांगेतून रक्त निघत असल्याचे दिसले. आईने तिला उपचारासाठी एका खासगी रुग्णालयात दाखल केले असता घटनेचे बिंग फुटले. आईने मुलीला विश्‍वासात घेऊन विचारपुस केली असता बापाने क्रुरतेने अत्याचार केल्याची कबुली दिली. तसेच कोणाला काही सांगितले तर जीवे मारीन, अशी धमकीही दिली.
घटनेनंतर बाप घर सोडून वडिलांच्या घरी निघून गेला. चिमुकलीच्या आईने मोबाइलवरून पतीला जाब विचारला असता त्याने उलट पत्नीला शिवीगाळ करत गप्प बसण्यास सांगितले. आईने तात्काळ बेगमपुरा पोलीस ठाण्यात धाव घेतली. उपनिरीक्षक हारुन शेख यांनी चिमुकलीची घाटीत तपासणी केली असता अत्याचार झाल्याचा अहवाल डॉक्टरांनी दिला. यावरून त्यांनी चिमुकलीच्या आईच्या तक्रारीवरुन गुन्हा दाखल करून तपासाची चक्रे फिरवत मंगळवारी पहाटेच्या सुमारास हर्सूल परिसरातून आरोपीला ताब्यात घेतले. या प्रकरणाचा पुढील तपास सहायक निरीक्षक हरेशवर घुगे करत आहेत.
प्लेसमेंटच्या दृष्टीने विद्यार्थ्यांच्या तांत्रिक कौशल्यविकासासाठी ट्रेनिंग अँड प्लेसमेंट सेलचा पुढाकार सिंहगड कॉलेज ऑफ इंजिनिअरिंग, पंढरपूर…
शैक्षणिक संस्थांचा पाठिंबा; प्रचाराच्या अंतिम टप्प्यात पदाधिकारी आणि कार्यकर्त्यांचा उत्साह शिगेला सातारा : पुणे विभाग…
NEP २०२०च्या नावाखाली प्राध्यापकांची पदे कमी होऊ देणार नाही; आश्रमशाळांच्या सुधारणांसाठी कटिबद्ध! पुणे : राष्ट्रीय…
गृहभेटी, दूरध्वनी संपर्क आणि वैयक्तिक संवादातून शिक्षक मतदारांपर्यंत पोहोचण्यावर भर सातारा : पुणे विभाग…
ज्ञानयात्री डॉ. रोंगे सर विजयी होणार सांगोला– राज्यातील शिक्षक मतदार संघाची निवडणूक अवघ्या काही दिवसांवर…
ज्ञानयात्री डॉ. रोंगे सर १०० टक्के विजयी होणार मिरज – राज्यातील शिक्षक मतदार संघाची निवडणूक…
