पतीने आपल्या पत्नीवर हल्ला करुन तिला जखमी केलं त्यानंतर तिचा मृत्यू झाला आहे, असं समजून तिला रस्त्यावर फेकून दिल्याची धक्कादायक घटना घडली आहे. नव्याने स्थापन झालेल्या अनुपगढ जिल्ह्यातील रायसिंगनगर पोलिस स्टेशन परिसरात ही घटना घडली आहे. याप्रकरणी पोलिसांनी पतीला अटक केली आहे.
पीडित महिला पशुधन सहाय्यक म्हणून काम करते. पतीसोबत काही कारणावरून वाद झाला होता. याचा राग आल्याने पतीने तिचा गळा आवळून खून करण्याचा प्रयत्न केला. तसेच, त्याने तिच्या गुप्तांगावरही धारदार शस्त्राने वार केले. आरोपी पतीला वाटलं की तिचा मृत्यू झाला आहे, त्यानंतर त्याने तिला विवस्त्र करून रस्त्यावर फेकले.
रायसिंगनगरचे अतिरिक्त पोलिस अधीक्षक किशोर सिंह यांनी सांगितले की, कमलेश कुमार असे अटक केलेल्या आरोपीचे नाव आहे. आठवडाभरापूर्वी झालेल्या वादातून त्याने पत्नीला बेदम मारहाण केली होती. पत्नीचा खून करण्याच्या उद्देशाने त्याने तिचा गळा आवळला. त्यानंतर पोलिसांची दिशाभूल करण्यासाठी धारदार शस्त्राने तिच्या गुप्तांगावर वार करून तिला जखमी केले.
त्यानंतर पत्नीचा मृत्यू झाला आहे, असे समजून आरोपीने नंतर तिला विवस्त्र करुन घराबाहेर फेकून दिले. यानंतर त्याने पत्नीच्या कुटुंबीयांना फोन करून ती बेपत्ता झाल्याची माहिती दिली. मात्र, सुदैवाने महिला बचावली. रस्त्यात महिलेला त्रास होत असल्याचे पाहून लोकांनी तिला उपचारासाठी स्थानिक शासकीय रुग्णालयात दाखल केले. तेथून प्राथमिक उपचारानंतर त्यांना श्रीगंगानगर येथे रेफर करण्यात आले. त्यानंतर पोलिसांना या प्रकरणाची माहिती देण्यात आली.
पंढरपूर- महाराष्ट्र राज्य शुश्रुषा व परावैद्यक शिक्षण मंडळाकडून घेण्यात आलेल्या उन्हाळी परीक्षा २०२६ चा जी.एन.…
पंढरपूर : एस.के.एन. सिंहगड कॉलेज ऑफ इंजिनिअरिंग, पंढरपूर येथे अंतिम वर्षातील सर्व शाखांच्या विद्यार्थ्यांसाठी आगामी…
कोर्टी, पंढरपूर येथील एस. के. एन. सिंहगड अभियांत्रिकी महाविद्यालयात दि. २९ ऑगस्ट २०२६ रोजी स्टेट…
माढा विधानसभा मतदारसंघाचे मा. आ. बबनदादा शिंदे यांच्या ७५ व्या अमृत महोत्सवी वाढदिवसानिमित्त संकल्प फाऊंडेशन,…
साहित्यरत्न लोकशाहीर अण्णाभाऊ साठे यांच्या जयंती निम्मित लोकआधार फाउंडेशन यांच्या वतीने व्याख्यानाचे आयोजन करण्यात आले.…
दोन वेगवेगळे सोहळे होणार एकाच छताखाली पंढरपूर- पंढरपूर व माळशिरस तसेच सांगोला व मंगळवेढा या…
