दवाखान्यात घुसला अन् डॉक्टर दाम्पत्यावर धाड..धाड..धाड, घटनेने अख्खा परिसर हादरला

एका तरुणाने डॉक्टर दाम्पत्यावर गोळी झाडली. त्यानंतर त्याने स्वत: आत्महत्या करण्याचा प्रयत्न केला. मध्य प्रदेशातील छिंदवाडा जिल्ह्यातील अमरवाडा येथे ही खळबळजनक घटना घडली आहे. तिघांनाही गंभीर अवस्थेत रुग्णालयात दाखल करण्यात आले. जिथे उपचारादरम्यान डॉक्टर दाम्पत्याचा मृत्यू झाला. त्याचबरोबर आरोपी तरुणाची प्रकृती गंभीर असल्याचे सांगण्यात येत आहे.

हे प्रकरण अमरवाड्यातील खामरा रोड येथील आहे. गुलाबरा छिंदवाडा येथील रहिवासी शनिवारी दुपारी २ वाजता सोनू उर्फ प्रिन्स माळवी याने देहरिया क्लिनिकमध्ये पिस्तूल घेऊन प्रवेश केला आणि येथे बसलेल्या डॉक्टर महेश देहरिया (५५) यांच्यावर गोळीबार केला. सोनूच्या रिव्हॉल्वरमधून निघालेली गोळी ही महेश देहरिया यांच्या छातीत लागली, त्यामुळे ते बेशुद्ध पडले. आरोपीने दुसरी गोळी झाडली तेव्हा त्यांना वाचवण्यासाठी धावलेली त्यांची पत्नी वंदना देहरिया (५०) यांच्या पाठीत गोळी लागली, त्यामुळे त्याही जखमी झाल्या.

क्लिनिकमध्ये उपस्थित लोकांना काही समजण्यापूर्वीच आरोपीने स्वत:च्या पायात गोळी झाडून स्वत:लाही गंभीर जखमी केले. ही माहिती तातडीने पोलिसांना देण्यात आली. त्याचवेळी तिघांनाही रुग्णवाहिकेतून अमरवाडा रुग्णालयात पाठवण्यात आले. तेथून डॉक्टर दाम्पत्याला गंभीर अवस्थेत जिल्हा रुग्णालयात रेफर करण्यात आले. मात्र, उपचारादरम्यान डॉक्टर दाम्पत्याचा दुर्दैवी मृत्यू झाला.

हा तरुण डॉक्टरांच्या ओळखीचा असून तो अनेकवेळा दवाखान्यात येत असे, त्यामुळे अचानक वाद झाल्याच्या विविध प्रकारच्या चर्चा सुरू असल्याचं सांगण्यात येत आहे. सध्या आरोपी तरुणाची प्रकृती चिंताजनक असून त्याला पोलिस कोठडीत रुग्णालयात दाखल करण्यात आले आहे. पुढील तपास पोलिस करत आहेत.