गणपतीसाठी डेकोरेशन केलं, अचानक शॉर्ट सर्किट अन् सारं सपलं, तरुण झोपेतच होरपळला

गणपतीचा उत्साह प्रत्येक गावागावात मोठ्या उत्साहात सुरू आहे. प्रत्येकाने आपल्याला घरात आपल्याला परीने डेकोरेशन करण्याचा प्रयत्न केला आहे. त्यातच खेड तालुक्यातील खरपुडी बुद्रुक येथून एक धक्कादायक घटना समोर आली आहे. घरातच शॉर्ट सर्किट झाल्याने झोपेतच तरुणाचा मृत्यू झाला असल्याची माहिती समोर आली आहे. या घटनेने संपूर्ण खेड तालुका हादरला आहे. वैभव जगन्नाथ गरुड ( वय ३५) जळून मृत्यू झालेल्या तरुणाचं नाव आहे. याबाबत खेड पोलिस ठाण्यात आकस्मित मृत्यूची नोंद करण्यात आली आहे.

याबाबत पोलिसांनी दिलेली माहिती अशी की, खेड तालुक्यातील खरापुडी बुद्रुक येथील दत्तनगर येथे वैभव गरुड हे त्यांच्या कुटुंबासमवेत राहतात. गरुड यांनी त्यांच्या घरातील गणपती बाप्पा समोर आकर्षक सजावट करत लाईटच्या माळा लावल्या होत्या. मात्र, मध्यारात्री घरात शॉर्ट सर्किट झाले आणि घरात आग लागली. त्यामुळे घरातील सर्व साहित्य त्यात साड्या, बेड आणि इतर वस्तू जळून खाक झाल्या. मात्र, या आगीत गादीवर झोपलेले वैभव यांचा जागेवरच जळून मृत्यू झाला. त्यामुळे कुटुंबावर शोककळा पसरली आहे.

वैनभ गरड हा परिसरात सर्पमित्र म्हणून परिचित होता. त्याच्या पाठीमागे पत्नी व दोन लहान मुली असा परिवार आहेत. घरातील कर्ता पुरुष अचानक गेल्याने पत्नी देखील धक्क्यात आहे. ही घटना वाऱ्यासारखी परिसरात पसरली. अनेकांना ऐकून हादरा बसला आहे. वैभव याच्या जाण्याने त्याचे मित्र परिवारावर शोककळा पसरली आहे. या घटनेने ग्रामस्थामधून हळहळ व्यक्त होत आहे.