माहेरुन पैसे आणले नाही म्हणून गर्भवती विवाहितेला जिवंत जाळल्याची धक्कादायक पश्चिम बंगालमध्ये उघडकीस आली आहे. याप्रकरणी महिलेच्या वडिलांच्या फिर्यादीवरुन पोलिसांनी सासरच्यांविरोधात गुन्हा दाखल केला आहे.महिलेच्या हत्येनंतर आरोपी सासरची मंडळी फरार झाली आहेत. पोलीस फरार आरोपींचा शोध घेत आहेत. प्रियंका रबीदास असे मयत महिलेचे नाव आहे. आरोपींच्या शोधासाठी पोलीस ठिकठिकाणी छापेमारी करत आहेत. आरोपींच्या नातेवाईकांचीही पोलीस चौकशी करत आहेत. या घटनेमुळे परिसरात एकच खळबळ उडाली आहे. तसेच पैशासाठी गर्भवतीला जाळल्याने संतापही व्यक्त होत आहे.
प्रियंका रबीदास आणि अकालु रबीदास यांचा तीन वर्षापूर्वी विवाह झाला होता. लग्न झाल्यापासूनच सासरचे प्रियंकाचा माहेरुन पाच लाख रुपये हुंडा आणण्यासाठी दबाव टाकत होते. प्रियंका पैसे आणत नव्हती म्हणून तिचा शारीरिक आणि मानसिक छळ सुरु होता. प्रियंका गरोदर राहिल्यानंतरही तिचा छळ थांबला नाही. उलट तिचा छळ वाढत गेला आणि अखेर तिचा मृत्यू झाला.
आरोपींनी 1 ऑगस्ट रोजी रात्री प्रियंकाला बेदम मारहाण केली. मग जीवे ठार मारण्याच्या उद्देशाने तिला जिवंत जाळले. प्रियंकाचा आरडाओरडा ऐकून शेजारी धावत आले. शेजाऱ्यांनी मालदा मेडिकल कॉलेजमध्ये दाखल केले. तेथे आठवडाभर तिच्यावर उपचार सुरु होते. उपचारादरम्यान तिचा मृत्यू झाला. याप्रकरणी प्रियंकाच्या वडिलांनी नोंदवत सासरच्यांविरोधात पोलिसात फिर्याद दाखल केली. तसेच आरोपींवर कडक कारवाई करण्याची मागणी केली आहे. आरोपींची माहिती मिळवण्यासाठी पोलीस त्यांच्या नातेवाईकांकडे चौकशी करत आहेत. संभाव्य ठिकाणी छापेमारीही करत आहेत.
शिवसेना उद्धव बाळासाहेब ठाकरे पक्षाचे पंढरपूर विभाग जिल्हाप्रमुख व पंचायत समितीचे माजी सदस्य, श्री विठ्ठल…
पर्यावरण संरक्षणसाठी संबोधनासह केले विविध प्रकारच्या झाडांचे वृक्षारोपण श्री पांडुरंग प्रतिष्ठान संचालित कर्मयोगी इन्स्टिट्यूट ऑफ…
कु. सोनिया नवले यांची अमेरिकेतील जागतिक कीर्तीच्या इलिनॉईस विद्यापीठातून एम.एस. पदवी संपादन एसकेएन सिंहगड अभियांत्रिकी…
प्रथम वर्ष च्या निकालामध्ये जिल्ह्यात अव्वल महाराष्ट्र आरोग्य विज्ञान विद्यापीठ नाशिक यांच्या कडून घेण्यात आलेल्या…
संभाजी ब्रिगेडची प्रांताधिकारी पंढरपूर यांच्याकडे निवेदन देत मागणी स्वराज्यरक्षक छत्रपती संभाजी महाराज यांच्या जयंती…
महाराष्ट्र आरोग्य विज्ञान विद्यापीठ नाशिक यांच्या कडून घेण्यात आलेल्या बी.एस्सी नर्सिंगच्या हिवाळी २०२५ परीक्षेत कर्मयोगी…