चित्रपटामध्ये अभिनेत्री म्हणून संधी देण्याचे आमीष दाखवून एका नृत्यशिक्षकाने १५ वर्षांच्या विद्यार्थिनीवर बलात्कार केला. हा शिक्षक हडपसर काळेपडळ येथील एका डान्स अकॅडमीमध्ये नृत्य शिकवत होता. या प्रकरणी हडपसर पोलिस ठाण्यात बलात्कार व ‘पोस्को’अंतर्गत गुन्हा दाखल करण्यात आला आहे. दरम्यान, पोलिसांनी आरोपीला अटक केली आहे.
सुशील राजेंद्र कदम (वय ३२, रा. गोपाळपट्टी, यशोप्रभा सोसायटी शेजारी, मांजरी बुद्रुक) असे आरोपीचे नाव आहे. हडपसर पोलिसांनी दिलेल्या माहितीनुसार, १५ वर्षीय विद्यार्थी काळेपडळ येथील डान्स अकॅडमीमध्ये नृत्य शिकत होती. तेथे सुशील नृत्य शिकवत होता. चित्रपटात काम मिळवून देण्याचे आमीष दाखवले आणि तिला वेगवेगळ्या लॉजवर नेले. तेथे आईवडिलांना ठार मारण्याची धमकी देऊन त्याने या मुलीवर अत्याचार केले.
मुलीच्या आईला संशय आल्याने तिने पाठलाग करून एका लॉजवर या दोघांना पकडले असता, हा प्रकार समोर आला. या प्रकरणी १५ वर्षी पीडित मुलीने हडपसर पोलीस ठाण्यामध्ये तक्रार दिल्याने आरोपी विरोधात बलात्कार व बाललैंगिक अत्याचार प्रतिबंधक कायद्यांतर्गत गुन्हा दाखल करण्यात आला आहे. हडपसर पोलिसांनी तत्काळ आरोपीला बेड्या ठोकल्या आहेत. पुढील तपास सहाय्यक पोलिस निरीक्षक प्रवीण अबदगिरी करीत आहेत.
पंढरपूर- महाराष्ट्र राज्य शुश्रुषा व परावैद्यक शिक्षण मंडळाकडून घेण्यात आलेल्या उन्हाळी परीक्षा २०२६ चा जी.एन.…
पंढरपूर : एस.के.एन. सिंहगड कॉलेज ऑफ इंजिनिअरिंग, पंढरपूर येथे अंतिम वर्षातील सर्व शाखांच्या विद्यार्थ्यांसाठी आगामी…
कोर्टी, पंढरपूर येथील एस. के. एन. सिंहगड अभियांत्रिकी महाविद्यालयात दि. २९ ऑगस्ट २०२६ रोजी स्टेट…
माढा विधानसभा मतदारसंघाचे मा. आ. बबनदादा शिंदे यांच्या ७५ व्या अमृत महोत्सवी वाढदिवसानिमित्त संकल्प फाऊंडेशन,…
साहित्यरत्न लोकशाहीर अण्णाभाऊ साठे यांच्या जयंती निम्मित लोकआधार फाउंडेशन यांच्या वतीने व्याख्यानाचे आयोजन करण्यात आले.…
दोन वेगवेगळे सोहळे होणार एकाच छताखाली पंढरपूर- पंढरपूर व माळशिरस तसेच सांगोला व मंगळवेढा या…
