तुमच्या कुटुंबात अडचणी आहेत. त्या मी होमहवन करून सोडवितो असे सांगत एका भोंदूबाबाने शेतमजूर महिलेवर अत्याचार केला. त्याला पोलिसांनी काही तासांतच अटक केली आहे. संगमनेर तालुक्यातील सादतपूर शिवारात ही घटना घडली. शिवाजी पांडे (रा. शिरापूर, ता. संगमनेर) असे आरोपीचे नाव आहे. त्याला तीन दिवसांची पोलीस कोठडी देण्यात आली.\
संगमनेर तालुक्यातील सादतपूर शिवारात एक शेतमजुराचे कुटुंब राहत आहे. गेल्या काही काळापासून त्यांच्या कुटुंबात अडचणी येत आहे. त्यामुळे एका नातेवाईकाने त्यांची पांडे या भोंदूबाबाशी ओळख करून दिली. घरगुती अडचणी सोडविण्यासाठी हा पांडे त्यांच्या घरी येऊन मंत्रतत्र उपचार करतो. त्यामुळे त्याची कुटुंबाशी ओळख झाली आहे.
याच ओळखीचा फायदा घेत पांडे या मजुराच्या घरी आला. तेव्हा घरात महिला एकटची होती. बाकीचे शेतावर कामाला गेले होते. याचा गैरफायदा पांडे यांने उचलला. घरात एकटी असलेल्या महिलेच्या अंगावर उदीसदृष्य पदार्थ टाकून आपण उपचार करीत असल्याचे सांगत तिच्यावर अत्याचार केला.
त्यानंतर पांडे पळून गेला. त्यानंतर महिलेने पतीच्या मदतीने आश्वी पोलिस ठाण्यात फिर्याद दिली. पोलिसांनी आरोपी पांडे याच्याविरूद्ध अत्याचार केल्याचा तसेच महाराष्ट्र नरबळी आणि इतर अमानुष अनिष्ट व अघोरी प्रथा व जादुटोणा यांना प्रतिबंध घालणे व त्यांचे समुळ उच्चाटन करणे अधिनियम २०१३ नुसार गुन्हा दाखल केला, आश्वीचे पोलीस निरीक्षक संतोष भंडारे यांनी आरोपीला पकडण्यासाठी तातडीने पथके रवना केली.
पंढरपूर- महाराष्ट्र राज्य शुश्रुषा व परावैद्यक शिक्षण मंडळाकडून घेण्यात आलेल्या उन्हाळी परीक्षा २०२६ चा जी.एन.…
पंढरपूर : एस.के.एन. सिंहगड कॉलेज ऑफ इंजिनिअरिंग, पंढरपूर येथे अंतिम वर्षातील सर्व शाखांच्या विद्यार्थ्यांसाठी आगामी…
कोर्टी, पंढरपूर येथील एस. के. एन. सिंहगड अभियांत्रिकी महाविद्यालयात दि. २९ ऑगस्ट २०२६ रोजी स्टेट…
माढा विधानसभा मतदारसंघाचे मा. आ. बबनदादा शिंदे यांच्या ७५ व्या अमृत महोत्सवी वाढदिवसानिमित्त संकल्प फाऊंडेशन,…
साहित्यरत्न लोकशाहीर अण्णाभाऊ साठे यांच्या जयंती निम्मित लोकआधार फाउंडेशन यांच्या वतीने व्याख्यानाचे आयोजन करण्यात आले.…
दोन वेगवेगळे सोहळे होणार एकाच छताखाली पंढरपूर- पंढरपूर व माळशिरस तसेच सांगोला व मंगळवेढा या…
