छत्रपती संभाजीनगरमध्ये माणुसकीला काळीमा फासणारी धक्कादायक घटना समोर आली आहे. इथे पैठण तालुक्यातील एका महिलेने अडीच वर्षांचे बाळ एका अनाथालयाला विकले. इतकंच नाहीतर तेच बाळ अनाथालय मालक व त्याची पत्नी यांनी तिसऱ्याला ५ लाख रुपयांना विकले असल्याचा धक्कादायक प्रकार भरोसा सेलमुळे उघडकीस आला आहे. शिवशंकर कॉलनीतील जिजामाता बालक आश्रमात हा संपूर्ण प्रकार घडला. दरम्यान या प्रकरणी जवाहर नगर पोलीस ठाण्यामध्ये मुलाची आई, मामा अनाथालय चालक व त्याची पत्नी यांच्याविरुद्ध गुन्हा दाखल करण्यात आला आहे.
मिळालेल्या माहितीनुसाार, भरोसा सेलच्या पोलीस निरीक्षक आम्रपाली तायडे यांना शिवशंकर कॉलनीतील आश्रमातून अडीच वर्षाच्या बालकाची विक्री होणार असल्याची माहिती मिळाली. घटनेचे गांभीर्य लक्षात घेऊन तायडे यांनी तात्काळ पथक तयार केलं. घटनेची माहिती जवाहरनगर पोलीस ठाण्याचे पोलीस निरीक्षक व्यंकटेश केंद्रे यांना देत सहाय्यक पोलीस निरीक्षक दिलीप चंदन यांना पथकामध्ये घेतलं.
पोलीस निरीक्षक आम्रपाली तायडे यांना मिळालेल्या माहितीनुसार त्यांनी १२ वाजता अनाथालयात धाड टाकली. यावेळी अनाथालयाचा मालक दिलीप हा समोर आला. पोलिसांनी त्याला बाजूला घेत चौकशी सुरू केली असता पोलीस उपनिरीक्षक अनिता फसाटे व गात या दोघींनी अनाथालयाची झाडझडती घेतली. यावेळी अडीच वर्षाचे बाळ व अनाथालयाचा चालक याची पत्नी बाळाला झोळीत सांभाळत असल्याचं निदर्शनास झालं.
दरम्यान, या प्रकरणी अनाथालयाचा चालक दिलीप याला मुलाबाबत विचारपूस केली असता त्याने पैठण तालुक्यातील दाभरूळ येथील सुनीता विलास साबळे नावाच्या महिलेने हे बाळ आम्हाला दत्तक दिले. महिलेने दिलेल्या दत्तक बाळाचे काही कागदपत्र आम्हाला मिळाले. मात्र, ते बाळ तिथेच आहे याचा कुठलाच पुरावा तिने दिला नाही असे देखील सांगितलं. काही वेळाने अनाथालयामध्ये प्रदीप नंदकिशोर डागा वय ४० रा. कॅनॉट प्लेस व त्याची पत्नी हे मुलाला दत्तक घेण्यासाठी आले होते. त्यांच्याकडे चौकशी करून जबाब घेतला असता त्यांनी मुलाला पाच लाख रुपयांत विकत घेतलं असल्याचा जबाब दिला आहे, यामुळे एकच खळबळ उडाली.
संगणक अभियांत्रिकीच्या विद्यार्थ्यांना वार्षिक ४ लाखांचे पॅकेज पंढरपूर : प्रतिनिधी अत्याधुनिक शिक्षण, उद्योगाभिमुख प्रशिक्षण आणि…
कोर्टी (ता. पंढरपूर) येथील एस.के.एन. सिंहगड कॉलेज ऑफ इंजिनिअरिंगच्या संगणक अभियांत्रिकी विभागातील अंतिम वर्षाची विद्यार्थिनी…
लोकनेता पुरस्कार देवून सन्मान करणार - राष्ट्रवादीचे श्रीकांत शिंदे यांचा स्तुत्य उपक्रम लोकनेते तथा महाराष्ट्राचे…
पंढरपूर : एस. के. एन. सिंहगड कॉलेज ऑफ इंजिनिअरिंग, कोर्टी, पंढरपूर येथील स्थापत्य अभियांत्रिकी विभागामार्फत…
श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी, पंढरपूर येथील प्राध्यापक डॉ. अनिल बाबर आणि…
पंढरपूर: प्रतिनिधी कोर्टी (ता.पंढरपूर) येथील एस.के.एन सिंहगड कॉलेज ऑफ इंजिनिअरिंग मधील मेकॅनिकल इंजिनियरींग विभागात चतुर्थ…
