शरद पवार यांनी घेतलेला निवृत्तीचा निर्णय आज मागे घेतला. त्यांच्या भूमिकांचे अनेक अर्थ काढले जात आहेत. विशेषतः अजित पवारांच्या भाजप प्रवेशाच्या वावड्यांना ब्रेक लागावा, यासाठी पवारांनी खेळी केल्याचंही बोललं जातंय.त्यातच आज राष्ट्रवादी काँग्रेसचे प्रदेशाध्यक्ष जयंत पाटील यांनी एक विधान केल्याचे खळबळ उडाली आहे. ‘झी २४ तास’ला दिलेल्या मुलाखतीत जयंत पाटील यांना एक विचारण्यात आलेल्या प्रश्नाला उत्तर देतांना त्यांनी भाजपमध्ये जाणारे मर्यादित असतील, असं म्हटलं आहे.
अनेकांना भाजपमध्ये जायचं आहे, असं पवारांनीच पुस्तकात लिहिलं आहे आणि आता त्यांनी निवृत्तीचा निर्णय घेतला याचा अर्थ तुम्हाला जे करायचंय ते करा; असं पवारांना सूचित करायचं आहे का? असा प्रश्न जयंत पाटलांना विचारण्यात आला.जयंत पाटील उत्तर देतांना म्हणाले की, भाजपसोबत जाण्याचा विचार करणारे काही लोक पक्षात असू शकतात. परंतु त्यांची संख्या मर्यादित असेल. मात्र माझ्यासमोर अशा भूमिका कुणीही व्यक्त केलेल्या नाहीत.
ते पुढे म्हणाले की, राष्ट्रवादीला आज राज्यात विस्तारण्याची संधी आहे. महाविकास आघाडीच्या प्रयोगाला चांगला प्रतिसाद मिळत आहे. महाविकास आघाडी ब्रेक व्हावी, असं कुणाला वाटत असेल तर त्यांना रोखण्यासाठी प्रयत्न करणं गरजेचं आहे. असं विधान जयंत पाटील यांनी केलं आहे.
महाराष्ट्र आरोग्य विज्ञान विद्यापीठ नाशिक यांच्या कडून घेण्यात आलेल्या बी.एस्सी नर्सिंगच्या हिवाळी २०२५ परीक्षेत कर्मयोगी…
पंढरपूर येथे आयोजीत पुरस्कार वितरण सोहळा या मान्यवरांच्या हस्ते हे पुरस्कार प्रदान करण्यात येणार आहेत.या…
सोलापूर जिल्ह्यातून विधान परिषदेसाठी राम सातपुते,बाळराजे पाटील यांचे नाव आघाडीवर परिचारक यांनी तिरंगी लढतीत दोन पराभव…
एस के एन सिंहगड कॉलेज ऑफ इंजिनिअरिंग, पंढरपुर येथील सिव्हिल इंजिनिअरिंग विभाग व सिव्हिल इंजिनिअरिंग…
श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी पंढरपूर येथे दिनांक ४ एप्रिल २०२६ रोजी…
पंढरपूर : श्री पांडुरंग प्रतिष्ठान संचालित कर्मयोगी विद्यानिकेतन पंढरपूर शाळेचा इयत्ता चौथीतील विद्यार्थी पियुष पोपट…
