आधी महिलेवर प्रेम जडलं, नंतर तिच्या मुलीला पाहून नियत फिरली, मुलीने आईला सांगितल्यानंतर थरकाप उडाला

एका प्रौढ माणसाने डेटींग अॅपद्वारे एका महिलेशी ऑनलाईन गप्पा मारत तिला आपल्या जाळ्यात ओढले. अनेक महिने या महिलेशी त्याचे फोनवरुन चॅटींग सुरू होते. परंतू या महिलेनं आपल्याला एक मुलगी असल्याचे सांगत आपण एकत्र येऊ शकत नसल्याचे स्पष्ट करत त्याच्याशी बोलायचे बंद केले. त्यानंतरही त्या प्रौढ माणसाने तिच्याशी मैत्री चालूच ठेऊन अखेर ते एकत्र येऊन राहू लागले. परंतू त्यानंतर त्याची नियत फिरली आणि त्याने या महिलेच्या अल्पवयीन मुलीचा गैरफायदा घेण्यास सुरूवात केली.

उत्तर प्रदेशातील बांदा बबेरू कोतवाली गावात राहणाऱ्या एका प्रौढ व्यक्तीने डेटींग अॅपच्या मदतीने राजस्थानातील एका महिलेशी मैत्री केली. या महिलेला आधीच्या पतीपासून एक अल्पवयीन मुलगी होती. फोनवरील मैत्रीनंतर ही महिला त्याच्यासोबत बांदा येथे एकत्र एक वर्षांपासून राहू लागली. त्यानंतर या प्रौढ व्यक्तीसोबत ही महिला पत्नीसारखी राहू लागली आणि तिच्या मुलीला त्याने आपली मुलगी समजण्याचे नाटक केले. या महिलेनं वारंवार मुंबईला जाण्याचा हट्ट त्याच्याकडे धरला. परंतू त्याने कशीतरी तिची मनधरणी करत तिला शांत करत राहिला.

काही काळानंतर या प्रौढ व्यक्तीची नियत फिरली आणि अखेरीस त्याने घरी कोणी नाही पाहून अल्पवयीन मुलीसोबत अत्याचार केला. १९ एप्रिल रोजी या कथित पतीने तिच्या अल्पवयीन मुलीवर बलात्कार केला. तिने विरोध केल्याने त्याने तिला मारहाण केली. ती जोरजोरात ओरडत असल्याने आणि कुणाला तिने काही सांगू नये म्हणून तिला मारहाण करत चक्क तिचा हातच मोडला. त्यानंतर तिची आई घरी आल्यावर तिने सर्व घटनाक्रम सांगितला. त्यानंतर या महिलेनं पोलीस ठाणे गाठून तक्रार केली.