पुण्यामधील मुंढव्यातील केशवनगर भागात मैत्रिणीसोबत राहणाऱ्या एका तरुणीसोबत धक्कादायक प्रकार घडला आहे. सोबत राहणाऱ्या मैत्रिणीचा बॉयफ्रेंड तिला भेटायला मुंबईहून पुण्यात आला. मात्र, त्याने गर्लफ्रेंड ऐवजी तिच्या मैत्रिणीबरोबरच अश्लिल वर्तन करुन विनयभंग केल्याचा संतापजनक प्रकार घडला आहे. या प्रकरणी एका २७ वर्षीय तरुणीने मुंढवा पोलीस ठाण्यात तक्रार दाखल केली आहे.
२७ वर्षीय तरुणीच्या तक्रारीनंतर पोलिसांनी अजिंक्य रमेश सावंत (वय २६, रा. मेघवाडी, लालबाग, लोअर परळ, मुंबई) नामक तरुणाला अटक केली आहे. फिर्यादी आणि तिच्या दोन मैत्रिणी खराडीतील एका माहिती-तंत्रज्ञान कंपनीत कामाला आहेत. तिघींनी मुंढव्यातील केशवनगर परिसरातील एका सोसायटीत सदनिका भाडेतत्वावर घेतली आहे. आरोपी अजिंक्य सावंतचे तक्रारदार तरुणीच्या एका मैत्रिणीशी प्रेमसंबंध आहेत. तिला भेटण्यासाठी तो मुंबईहून पुण्याला आला होता.
तक्रारदार तरुणी सकाळी गाढ झोपेत होती. त्या वेळी अजिंक्यने तरुणीशी अश्लील कृत्य करण्याचा प्रयत्न केला. तक्रारदार तरुणी गाढ झोपेत होती तेव्हा अजिंक्य हा नग्न अवस्थेत फिर्यादीच्या समोर जाऊन उभा राहिला. फिर्यादी यांना स्पर्श करुन फिर्यादीच्या खांद्याला आणि हाताला पकडून त्यांच्या अंगावर पडला. त्याला फिर्यादी यांच्या मैत्रिणीने विरोध केल्यावर तिला मारहाण केली. त्यांनी तातडीने ही बाब पोलिसांना कळवली. आरोपी अजिंक्यला पोलिसांनी बेड्या ठोकल्या असून पोलीस उपनिरीक्षक गाडे पुढील तपास करत आहेत.
संभाजी ब्रिगेडची प्रांताधिकारी पंढरपूर यांच्याकडे निवेदन देत मागणी स्वराज्यरक्षक छत्रपती संभाजी महाराज यांच्या जयंती…
महाराष्ट्र आरोग्य विज्ञान विद्यापीठ नाशिक यांच्या कडून घेण्यात आलेल्या बी.एस्सी नर्सिंगच्या हिवाळी २०२५ परीक्षेत कर्मयोगी…
पंढरपूर येथे आयोजीत पुरस्कार वितरण सोहळा या मान्यवरांच्या हस्ते हे पुरस्कार प्रदान करण्यात येणार आहेत.या…
सोलापूर जिल्ह्यातून विधान परिषदेसाठी राम सातपुते,बाळराजे पाटील यांचे नाव आघाडीवर परिचारक यांनी तिरंगी लढतीत दोन पराभव…
एस के एन सिंहगड कॉलेज ऑफ इंजिनिअरिंग, पंढरपुर येथील सिव्हिल इंजिनिअरिंग विभाग व सिव्हिल इंजिनिअरिंग…
श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी पंढरपूर येथे दिनांक ४ एप्रिल २०२६ रोजी…
