एएनटीएफ टीम आणि राया पोलिसांनी केलेल्या संयुक्त कारवाईत उत्तर प्रदेशातील मथुरा येथील राया पोलीस स्टेशन हद्दीतील पडारी गावात ड्रग माफियांच्या घराच्या तळघरातून ३५० किलो गांजाची खेप जप्त केली आहे. या प्रकरणी पोलिसांनी ड्रग्ज माफिया आणि त्याच्या पत्नीला अटक केली आहे. जप्त केलेल्या भांगाची किंमत १ कोटी ७५ लाख रुपये असल्याचे सांगण्यात येत आहे.
या बाबत मिळालेल्या अधिक माहितीनुसार, आग्रा येथील अंमली पदार्थ विरोधी टास्क फोर्सच्या पथकाने राया पोलिस स्टेशनसह पडारी गावात ड्रग माफिया तेजवीरच्या घरावर छापा टाकला. या संयुक्त कारवाईदरम्यान, तेजवीरच्या घरात बांधलेल्या दोन तळघरांची झडती घेतली असता, पोलिसांनी गांजाची मोठी खेप जप्त केली. पोलिसांनी दोन्ही तळघरातून तब्बल ३५० किलो गांजा जप्त केला.
कारवाईदरम्यान पोलिसांनी ड्रग माफिया तेजवीर आणि त्याच्या पत्नीला अटक केली तर किशनपाल नावाचा त्यांचा आणखी एक साथीदार पळून जाण्यात यशस्वी झाला. या मोठ्या कारवाईबाबत माहिती देताना एसएसपी शैलेश पांडे यांनी सांगितले की, ड्रग माफिया तेजवीर आणि त्याच्या पत्नीला अटक केल्यानंतर त्यांच्या घराच्या तळघरातून ३५० किलो गांजा जप्त करण्यात आला आहे, ज्याची आंतरराष्ट्रीय बाजारात किंमत सुमारे १ कोटी ७५ लाख रुपये आहे. याशिवाय साडेपाच लाख रुपयांचे दागिने, एक लाख ७१ हजार रुपयांची रोकड, एक कार आणि दुचाकी जप्त करण्यात आली आहे.
प्लेसमेंटच्या दृष्टीने विद्यार्थ्यांच्या तांत्रिक कौशल्यविकासासाठी ट्रेनिंग अँड प्लेसमेंट सेलचा पुढाकार सिंहगड कॉलेज ऑफ इंजिनिअरिंग, पंढरपूर…
शैक्षणिक संस्थांचा पाठिंबा; प्रचाराच्या अंतिम टप्प्यात पदाधिकारी आणि कार्यकर्त्यांचा उत्साह शिगेला सातारा : पुणे विभाग…
NEP २०२०च्या नावाखाली प्राध्यापकांची पदे कमी होऊ देणार नाही; आश्रमशाळांच्या सुधारणांसाठी कटिबद्ध! पुणे : राष्ट्रीय…
गृहभेटी, दूरध्वनी संपर्क आणि वैयक्तिक संवादातून शिक्षक मतदारांपर्यंत पोहोचण्यावर भर सातारा : पुणे विभाग…
ज्ञानयात्री डॉ. रोंगे सर विजयी होणार सांगोला– राज्यातील शिक्षक मतदार संघाची निवडणूक अवघ्या काही दिवसांवर…
ज्ञानयात्री डॉ. रोंगे सर १०० टक्के विजयी होणार मिरज – राज्यातील शिक्षक मतदार संघाची निवडणूक…
