विहिरीत पाणी काढण्यासाठी उतरलेला भावाला बुडताना पाहून काठावर असलेल्या भावाने मदतीसाठी हात दिला अन् दोघांचाही घात झाला. या दोघांचाही पाण्यात बुडून मृत्यू झाला. ही घटना देवणी तालुक्यातील हंचनाळ शिवारात घडली. नरसिंग युवराज चव्हाण (वय २०) आणि संगमेश्वर संजय चव्हाण (वय २२) अशी मृत तरुणांची नावे आहेत.
हंचनाळ शिवारातील रसिका महाविद्यालयाच्या पाठीमागील रमेश बिरादार यांचं शेत आहे. शेतात पाण्याने भरलेली विहीर आहे. या विहिरीचं पाणी आणण्यासाठी देवणीतील चुलत भाऊ नरसिंग चव्हाण आणि संगमेश्वर चव्हाण हे दोघे भाऊ गेले होते. पाणी काढण्यासाठी नर्सिंग विहिरीत उतरला. मात्र, त्याचा तोल गेला अन् तो पाण्यात पडला.
पण, त्याला पोहता येत नसल्याने नरसिंग बुडू लागला. आपला भाऊ आपल्या डोळ्यादेखत बुडत असल्याचे पाहून संगमेश्वरने क्षणाचाही विलंब न करता बुडणाऱ्या भावाला वाचविण्यासाठी हात देण्याचा प्रयत्न केला. पण, या प्रयत्नात त्याचाही तोल गेला अन् तोही पाण्यात पडला. मात्र, दोघांनाही पोहता येत नव्हते. त्यातच काळाने डाव साधला अन् दोन्ही भावांचा पाण्यात बुडून मृत्यू झाला आहे.
घटनेची माहिती मिळताच कुटुंबीय देवणी पोलीस घटनास्थळी दाखल झाले. दोघांचेही मृतदेह पाण्याबाहेर काढण्यात आले. त्यांच्यावर देवणी येथे अंत्यसंस्कार करण्यात आले. देवणी पोलीस ठाण्यात या प्रकरणी आकस्मित मृत्यूची नोंद करण्यात आली आहे. या प्रकरणाचा पुढील तपास पोलीस हेड कॉन्स्टेबल नरेश उस्तुर्गे करत आहेत. एकाच घरातील दोन तरुण भावंडांचा मृत्यू झाल्यामुळे चव्हाण कुटुंबावर दुःखाचा डोंगर कोसळला आहे.
* 25 फेऱ्यांतून मतमोजणी होणार पूर्ण पंढरपूर : पंढरपूर विधानसभा निवडणुकीची मतमोजणी 23 नोव्हेंबर रोजी…
२५२ पंढरपुर विधानसभा मतदार संघ मतमोजणी प्रक्रिया दि. २३/११/२०२४ रोजी सकाळी ०८.०० वा. पासुन शासकिय…
पंढरपूर /प्रतिनिधी पंढरपूर मंगळवेढा मतदारसंघातील मनसेचे उमेदवार दिलीप बापू धोत्रे भेट देत असून तेथील नागरिकांशी…
विद्यार्थ्यांनी आधुनिक तंत्रज्ञानाचा वापर करून समाजातील सामान्य घटकाचे जीवन सुलभ व सुकर होईल असे समाजोपयोगी…
पंढरपूर शहर व तालुक्यात तसेच इतर जिल्ह्यांमध्ये शैक्षणिक क्षेत्रामद्धे आपले वलय निर्माण केलेल्या श्री पांडुरंग…
पक्ष निरीक्षक शेखर माने यांच्या हस्ते निवडीचे पत्र प्रदान पंढरपूर शहर तालुक्याच्या राजकारणात कट्टर शरद…
