तुमचे आमदार फुटणार, उद्धव ठाकरेंना आधीच कल्पना दिली; अजित पवारांचा गौप्यस्फोट

आमदार फुटणार दोन ते तीन वेळा कानावर आल्यानंतर शिवसेना पक्षप्रमुख उद्धव ठाकरे यांना सांगितले होते. शरद पवार, जयंत पाटील यांनीही ही माहिती त्यांना दिली होती. मात्र, आपले सहकारी इतकी टोकाची भूमिका घेतील, असे त्यांना वाटले नव्हते,’ अशी माहिती विधानसभेचे विरोधी पक्षनेते अजित पवार यांनी दिली आहे.

पुण्यात एका कार्यक्रमानंतर पवार यांनी माध्यमांशी संवाद साधला. ठाकरे सरकारमधील शिवसेनेचे मंत्री, आमदार हे फुटणार असल्याचे वृत्त दोन ते तीन वेळा कानावर आले होते. त्यानंतर ही माहिती उद्धव ठाकरे यांना देण्यात आली. ही माहिती तत्कालीन गृहमंत्री दिलीप वळसे पाटील, जयंत पाटील तसेच शरद पवार यांनाही मिळाली होती. त्यांनाही ठाकरे यांना सांगितले होते. ठाकरे यांनी त्यांच्या सहकाऱ्यांशी चर्चाही केली होती. तरीही आमदार फुटले, असे पवार म्हणाले.