चारित्र्याच्या संशयावरून गळा चिरून पतीने पत्नीची हत्या केल्याची धक्कादायक घटना पालघर जिल्ह्यातील बोईसर येथे घडली आहे. पत्नीची हत्या करत पतीने स्वतःवर देखील वार केले. या घटनेमुळे परिसरात एकच खळबळ उडाली आहे. ममता देवी प्रसाद (वय ४०) असे मृत महिलेचं नाव आहे.
बोईसर येथील दांडीपाडा परीसरात ही धक्कादायक घटना समोर आली आहे. भर रस्त्यात पतीने आपल्या पत्नीवर धारदार शस्त्राने हल्ला करत तिचा गळा चिरला व त्यानंतर त्याने स्वतःवरही वार केले. पतीने आपल्या दोन चिमुकल्यांच्या डोळ्यांसमोरच हे भयावह कृत्य केले असून या घटनेमुळे एकच खळबळ उडाली आहे. गळा चिरल्याने पत्नीचा जागीच मृत्यू झाला. चारित्र्याच्या संशयावरून नवऱ्याने हल्ला करत गळा चिरून पत्नीची हत्या केली असून सीताराम प्रसाद (वय ४५) असं आरोपी पतीचं नाव आहे. पत्नीची हत्या करून पतीने स्वतःवरही वार केल्याने तो देखील गंभीर जखमी झाला आहे.
परिसरातील स्थानिक नागरिकांनी या सर्व घटनेची माहिती बोईसर पोलिसांना दिली. त्यानंतर घटनास्थळी दाखल झाले व पोलिसांनी महिलेचा मृतदेह ताब्यात घेत शवविच्छेदनासाठी पाठवला. गंभीररीत्या जखमी झालेल्या पतीला देखील बोईसर येथील रुग्णालयात उपचारासाठी दाखल करण्यात आले आहे. या प्रकरणी बोईसर एमआयडीसी पोलीस ठाण्यात गुन्हा दाखल करण्यात आला असून अधिक तपास पोलीस करत आहेत.
* 25 फेऱ्यांतून मतमोजणी होणार पूर्ण पंढरपूर : पंढरपूर विधानसभा निवडणुकीची मतमोजणी 23 नोव्हेंबर रोजी…
२५२ पंढरपुर विधानसभा मतदार संघ मतमोजणी प्रक्रिया दि. २३/११/२०२४ रोजी सकाळी ०८.०० वा. पासुन शासकिय…
पंढरपूर /प्रतिनिधी पंढरपूर मंगळवेढा मतदारसंघातील मनसेचे उमेदवार दिलीप बापू धोत्रे भेट देत असून तेथील नागरिकांशी…
विद्यार्थ्यांनी आधुनिक तंत्रज्ञानाचा वापर करून समाजातील सामान्य घटकाचे जीवन सुलभ व सुकर होईल असे समाजोपयोगी…
पंढरपूर शहर व तालुक्यात तसेच इतर जिल्ह्यांमध्ये शैक्षणिक क्षेत्रामद्धे आपले वलय निर्माण केलेल्या श्री पांडुरंग…
पक्ष निरीक्षक शेखर माने यांच्या हस्ते निवडीचे पत्र प्रदान पंढरपूर शहर तालुक्याच्या राजकारणात कट्टर शरद…
