शहरातील सिडको परिसरात एक धक्कादायक घटना घडली आहे. शिक्षक आणि विद्यार्थिनीच्या नात्याला काळीमा फासणारी ही घटना घडली असून एका शाळेतील पिटी शिक्षकावर बाल लैंगिक अत्याचार संरक्षण अधिनियमन म्हणजेच पोक्सो कायद्याअंतर्गत गुन्हा दाखल करण्यात आला आहे.
याबाबत मिळालेली अधिक माहिती अशी की, शहरातील सिडको परिसरात असलेल्या त्रिमूर्ती चौक परिसरातील एका शाळेत दहा वर्षीय विद्यार्थिनीसोबत शिक्षकाने गैरवर्तन केले आहे. शुक्रवारी दुपारी विद्यार्थिनी शाळेत असताना तिच्याशी जवळीक साधून मनात लज्जा उत्पन्न होईल असे असभ्य व अश्लील वर्तन केले. याप्रकरणी पीडित विद्यार्थिनीने अंबड पोलीस ठाण्यात दिलेल्या तक्रारीवरून शाळेतील शारीरिक शिक्षण या विषयाच्या शिक्षकावर पोक्सो अंतर्गत गुन्हा दाखल करण्यात आला आहे.
शारीरिक शिक्षण विषयाचा शिक्षक असलेला संशयित रवींद्र नाकील याच्यावर गुन्हा दाखल करण्यात आला आहे. सिडको परिसरातील पाटील नगर येथे असलेल्या पेठे विद्यालयात हा प्रकार शुक्रवारी दुपारच्या सुमारास घडल्याची माहिती पोलिसांनी दिली आहे. अंबड पोलीस ठाण्यात गुन्हा दाखल झाल्यानंतर संशयित आरोपी शिक्षकाचा शोध घेत असल्याची माहिती पोलिसांनी दिली आहे. या घटनेमुळे शाळेत आणि परिसरात खळबळ उडाली आहे.
दरम्यान, या घटनेनंतर शहरात तीव्र अशा प्रतिक्रिया उमटू लागल्या असून शाळेतील विद्यार्थिनींच्या सुरक्षेचा प्रश्न आता ऐरणीवर आला आहे. विद्यार्थिनीच्या अज्ञानपणाचा फायदा घेत शिक्षकाने गैर कृत केले आहे. या घटनेनंतर तात्काळ पोलिसात धाव घेतली असून संशयित आरोपी शिक्षकावर गुन्हा दाखल करण्यात आला आहे. अशी माहिती पोलिसांकडून देण्यात आली आहे.
* 25 फेऱ्यांतून मतमोजणी होणार पूर्ण पंढरपूर : पंढरपूर विधानसभा निवडणुकीची मतमोजणी 23 नोव्हेंबर रोजी…
२५२ पंढरपुर विधानसभा मतदार संघ मतमोजणी प्रक्रिया दि. २३/११/२०२४ रोजी सकाळी ०८.०० वा. पासुन शासकिय…
पंढरपूर /प्रतिनिधी पंढरपूर मंगळवेढा मतदारसंघातील मनसेचे उमेदवार दिलीप बापू धोत्रे भेट देत असून तेथील नागरिकांशी…
विद्यार्थ्यांनी आधुनिक तंत्रज्ञानाचा वापर करून समाजातील सामान्य घटकाचे जीवन सुलभ व सुकर होईल असे समाजोपयोगी…
पंढरपूर शहर व तालुक्यात तसेच इतर जिल्ह्यांमध्ये शैक्षणिक क्षेत्रामद्धे आपले वलय निर्माण केलेल्या श्री पांडुरंग…
पक्ष निरीक्षक शेखर माने यांच्या हस्ते निवडीचे पत्र प्रदान पंढरपूर शहर तालुक्याच्या राजकारणात कट्टर शरद…
