प्रियकराच्या मदतीने नवऱ्याला पाठवले अश्लील फोटो, लाखो रुपये उकळले; नाशिकमधील धक्कादायक घटना

नाशिक शहरात एक धक्कादायक प्रकार उघडकीस आला आहे. प्रियकराच्या मदतीने पत्नीने आपल्याच पतीला ब्लॅकमेल करत साडे चार लाख रुपये उकळल्याचा अजब प्रकार समोर आला आहे. या घटनेने शहरात एकच खळबळ उडाली आहे. पत्नीने प्रियकराशी संगनमत करत स्वतःचे नग्न अवस्थेतील फोटो पतीला पाठवत ब्लॅकमेल केल्याचा प्रकार नाशकात घडला. या प्रकरणी पत्नी आणि प्रियकर यांच्या विरोधात नाशिक शहरातील अंबड पोलीस ठाण्यात गुन्हा दाखल करण्यात आला आहे.

या प्रकरणी पतीने दिलेल्या फिर्यादीवरून एक अनोळखी मोबाईल क्रमांकावरून त्यांना फोन आला, “तुझ्या पत्नीचे लग्नानंतरही दुसऱ्या पुरुषासोबत अनैतिक संबंध आहेत. त्या दोघांचे खासगी फोटो आणि काही खासगीतील व्हिडिओ रेकॉर्डिंग सुद्धा माझ्याकडे आहेत.” असे सांगून संशयिताने पत्नीचे नग्न अवस्थेतील फोटो मोबाईलवर पाठवले आणि हे प्रकरण मिटवायचे असेल तर पैसे द्यावे लागतील असे म्हणत पैशाची मागणी केली.

तक्रारदार पतीने बदनामीच्या भीतीने ४ लाख ५० हजार रुपये दिले. दरम्यान, ब्लॅकमेल करण्यासाठी फोटो आणि व्हिडिओ पाठवलेला नंबर कुठला आहे. याबाबत अंबड पोलिसांकडून तपास सुरू आहे. पत्नीने प्रियकराच्या मदतीने कट रचून दोघांचे अश्लील फोटो मोबाईलवर पाठवले. पतीने समाजात बदनामी होईल.

या भीतीने ४ लाख ५० हजार रुपये दिले. पत्नी मालमत्ता हडप करण्याच्या उद्देशाने ब्लॅकमेल करत असल्याचा आरोप तक्रारदार पतीने तक्रारीत केला आहे. तक्रारदाराने न्यायालयात पत्नी व प्रियकराच्या विरोधात तक्रार दिली होती. न्यायालयात सुनावणी होऊन न्यायालयाने पत्नी व प्रियकरच्या विरोधात गुन्हा दाखल करण्याचे आदेश दिल्यानंतर अंबड पोलीस ठाण्यात गुन्हा दाखल झाला आहे.