कॉफी शॉपमध्ये बसून करीत होते अश्लील चाळे

नागरिकांनी पकडून केले पोलिसांच्या स्वाधीन

परभणी शहरातील उघडा महादेव परिसरामध्ये असलेल्या कॉफी शॉपमध्ये महाविद्यालयीन तरुण-तरुणींचे अश्लील चाळे सुरू असल्याचं उघड झालं आहे. याबाबत काही नागरिकांना मिळाली होती. ही माहिती मिळतात नागरिकांनी उघडा महादेव परिसरातील दोन कॉफी शॉपमध्ये धडक दिली असता कॉलेजमध्ये शिक्षण घेण्यासाठी घराबाहेर पडलेले तरुण-तरुणी या कॉफी शॉपमध्ये अश्लील चाळे करत असल्याचे दिसून आले.

नागरिकांनी या प्रेमीयुगुलांना पकडून सदरील प्रकाराची माहिती नवा मोंढा पोलिसांना दिली. त्यानंतर नवा मोंढा पोलिसांनी उघडा महादेव परिसर गाठून कॉफी शॉपमध्ये अश्लील चाळे करत बसलेल्या चार जोडप्यांना ताब्यात घेतलं आहे. या कॉफी शॉप चालकांवर गुन्हे दाखल करावेत, अशी मागणी नागरिकांनी केली आहे. संबंधित कॉफी शॉप चालकावर गुन्हा दाखल करावा या मागणीसाठी लवकरच नागरिक पोलीस अधीक्षकांची भेट घेणार आहेत.

दरम्यान, शिक्षण घेण्याच्या वयात कॉफी शॉपसारख्या ठिकाणी जाऊन अश्लील चाळे करणाऱ्या विद्यार्थ्यांवर आता शिक्षकांसह पालकांनीही लक्ष ठेवण्याची गरज बोलून दाखवली जात आहे.