अमळनेर येथील गटविकास अधिकाऱ्याचा अपघाती मृत्यू झाल्याची धक्कादायक घटना समोर आली आहे. शासकीय कामासाठी नाशिकला जात असताना त्यांच्या वाहनाला अपघात झाला. यामध्ये जळगावच्या अमळनेर येथील गटविकास अधिकारी एकनाथ चौधरी हे जागीच ठार झाले आहेत. आज बुधवारी पहाटे पाच वाजताच्या सुमारास त्यांच्यावर काळाने घाला घातला.
धरणगाव गावाजवळील भोणे फाट्याजवळ हा अपघात झाला. या अपघातात चौधरी यांच्या कार चालकाला किरकोळ दुखापत झाली आहे. गटविकास अधिकारी प्रवास करत असलेल्या भरधाव वाहनाने उभ्या ट्रकला मागून धडक दिल्याने हा अपघात झाल्याची प्राथमिक माहिती मिळाली आहे. हा अपघात एवढा जोरदार होता की, यात शासकीय वाहनाचा समोरील भाग पूर्ण चक्काचूर झाला आहे.
याबाबत मिळालेली माहिती अशी की, अमळनेर येथील गटविकास अधिकारी एकनाथ चौधरी हे आज पहाटे शासकीय कामासाठी नाशिकला जात होते. अमळनेर-धुळे या मार्गाने ते नाशिकला जाण्यासाठी एमएच १९ डीव्ही ४१९९ क्रमांकाच्या शासकीय वाहनाने निघाले होते. धरणगाव तालुक्यातील भोणे फाट्याजवळ त्यांच्या वाहनाने समोरच्या ट्रकला मागून धडक दिली. यात ड्रायव्हरच्या बाजूला बसलेले असलेले एकनाथ चौधरी हे जागीच ठार झाले आहेत.
अपघाताची माहिती मिळताच परिसरातील ग्रामस्थांनी घटनास्थळी धाव घेऊन मदतकार्य सुरु केले. तर, गटविकास अधिकार्‍याचा मृत्यू झाल्याने प्रशासनातील कर्मचार्‍यांनी देखील अपघातस्थळ गाठले.
प्लेसमेंटच्या दृष्टीने विद्यार्थ्यांच्या तांत्रिक कौशल्यविकासासाठी ट्रेनिंग अँड प्लेसमेंट सेलचा पुढाकार सिंहगड कॉलेज ऑफ इंजिनिअरिंग, पंढरपूर…
शैक्षणिक संस्थांचा पाठिंबा; प्रचाराच्या अंतिम टप्प्यात पदाधिकारी आणि कार्यकर्त्यांचा उत्साह शिगेला सातारा : पुणे विभाग…
NEP २०२०च्या नावाखाली प्राध्यापकांची पदे कमी होऊ देणार नाही; आश्रमशाळांच्या सुधारणांसाठी कटिबद्ध! पुणे : राष्ट्रीय…
गृहभेटी, दूरध्वनी संपर्क आणि वैयक्तिक संवादातून शिक्षक मतदारांपर्यंत पोहोचण्यावर भर सातारा : पुणे विभाग…
ज्ञानयात्री डॉ. रोंगे सर विजयी होणार सांगोला– राज्यातील शिक्षक मतदार संघाची निवडणूक अवघ्या काही दिवसांवर…
ज्ञानयात्री डॉ. रोंगे सर १०० टक्के विजयी होणार मिरज – राज्यातील शिक्षक मतदार संघाची निवडणूक…
