मुंबईतील एका सहाय्यक पोलीस निरीक्षकाला त्याच्या महिला सहकाऱ्याचा पाठलाग, मारहाण आणि अश्लील संदेश पाठवल्याप्रकरणी अटक करण्यात आली आहे. एका पोलीस अधिकाऱ्याने बुधवारी ही माहिती दिली.
कांदिवली भागातील कुरार पोलीस ठाण्याचे अधिकारी म्हणाले की, आरोपी एपीआय दीपक बाबुराव देशमुख याला मंगळवारी रात्री उशिरा अटक करण्यात आली. अधिकाऱ्याने सांगितले की, देशमुख यांच्या विरोधात त्यांच्या एका महिला सहकाऱ्याने मंगळवारी तक्रार दाखल केली होती, त्यानंतर आरोपीला अटक करण्यात आली. पोलिसांनी सांगितले की, महिलेच्या तक्रारीच्या आधारे देशमुख यांच्या विरोधात तिचा विनयभंग करणे, तिचा पाठलाग करणे, तिला अश्लील मेसेज पाठवणे आणि घरात घुसून मारहाण केल्याप्रकरणी एफआयआर दाखल करण्यात आला आहे.
पोलीस अधिकाऱ्याने सांगितले की, एपीआय देशमुख यांची नुकतीच पोलीस नियंत्रण कक्षात बदली करण्यात आली होती. त्या महिला पोलीस अधिकाऱ्यामुळेच तिची बदली झाल्याचे देशमुख यांना वाटत होते, त्यामुळेच त्यांनी तिचा छळ सुरू केला, असे पोलिसांना तपासात आढळून आले. मात्र, मंगळवारी देशमुख यांनी महिलेच्या घरात घुसून मारहाण केल्याने महिलेने त्यांच्याविरोधात तक्रार दाखल केली.
आरोपी देशमुखविरुद्ध भारतीय दंड संहितेच्या (आयपीसी) कलम 354 (महिलेचा विनयभंग करणे), 354-डी (पाठलाग करणे), 452 (घरात विनापरवानगी प्रवेश) यासह संबंधित कलमांतर्गत गुन्हा दाखल करण्यात आला आहे. या प्रकरणी पोलिसांनी गुन्हा दाखल करून पुढील तपास सुरू केल्याचे अधिकाऱ्याने सांगितले.
पंढरपूर : एस. के. एन. सिंहगड कॉलेज ऑफ इंजिनिअरिंग, पंढरपूर येथे आयोजित इंटरनॅशनल कॉन्फरन्स ऑन…
संशोधनातून भारताला विकसित देश बनवा- डॉ. परिक्षित महाल्ले, पुणे एस. के. एन. सिंहगड कॉलेज ऑफ…
पंढरपूर - गोपाळपूर (ता. पंढरपूर) येथील स्वेरीज् कॉलेज ऑफ इंजिनिअरिंग (ऑटोनॉमस) मध्ये यंदाचा ‘राष्ट्रीय शिक्षण…
लाईफलाईन हॉस्पिटल येथे कॅन्सरसह विविध गंभीर आजारावर शस्त्रक्रियांची सोय डॉ. शैलेश पुणतांबेकर हे पुण्यातील एक…
पंढरपूर- गोपाळपूर (ता. पंढरपूर) येथील श्री विठ्ठल एज्युकेशन अँड रिसर्च इन्स्टिट्यूटच्या कॅम्पसमध्ये ‘अटल कम्युनिटी इनोव्हेशन…
पंढरपूर- ‘गोपाळपूर (ता. पंढरपूर) येथील स्वेरीज् कॉलेज ऑफ इंजिनिअरिंगचा 'माजी विद्यार्थी मेळावा' आणि ‘पदवीप्रदान समारंभ’ स्वेरी कॉलेज कॅम्पस मध्ये येत्या…
